Sancho uchun kurashda "Borrusiya D" va "Yuventus" raqoblashadi

Jamoa bosh murabbiyi Erik ten Xag yarim himoyachini jamoaga qaytarib, unga imkon berish niyatida emas. 

23 yoshli futbolchi uchun kurashda "Borrusiya D" va "Yuventus" raqobat olib bormoqda. Ingliz futbolchisining o'zi esa Germaniyaga, sobiq jamoasiga qaytishni istamoqda.

Eslatib o'tamiz, sentyabr boshida Sancho va MYU ustozi o'rtasida mojaro yuzaga kelgan edi. Vinger "Arsenal"ga qarshi APLning 4-tur o'yinini (1:3) o'tkazib yuborgandi. Bahsdan so'ng Erik ten Xag futbolchi mashg'ulotlarda yaxshi taassurot qoldirmaganini aytgan.

Sancho bunga javob tariqasida ijtimoiy tarmoqda quyidagi gaplarni yozdi: "Uzoq vaqt hamma narsaga aybdor bo'ldim - bu adolatsizlik. Mashg'ulotlarda jonimni berib ishlayman, o'qiyotganlaringizga ishonmang. Boshqa sabablar bo'lgani aniq". Keyinroq post o'chirib tashlandi. 14 sentyabr kuni futbolchi asosiy jamoa mashg'ulotlaridan chetlatildi.

Sancho MYUga "Borussiya D"dan2021 yil 73 mln funt sterling evaziga ko'chib o'tgandi.