Samvel Babayan: "Futbolchi maydonga tushganlaridan keyin futbol o'ynashi kerak"

"Tezkor gol urganimizga qaramay, o'z xatoimiz bilan hisobni tenglashishiga majbur bo'ldik. O'yin so'nggida bor etiborimizni hujumga qaratdik. Buning uchun yigitlarga rahmat, boisi ular bor etiborlarini hujumga qarata olyaptilar", - deydi Samvel Babayan.

- Maxaradzening yo'qligi bugun qanchalik pand berdi?
- Kaxi ayni paytda Gruziya terma jamoasiga nomzod futbolchi bo'lib turibdi. SHu kunlarda tema jamoa bosh murabbiyi ham Toshkentga kelishni maqsad qilgan. Kaxi kuchli va aqilli futbolchi.

- Bugun "Navbahor" ko'p holatlarda o'yinni cho'zdi, bunga munosabatingiz qanday?
- Futbolchi maydonga tushganlaridan keyin futbol o'ynashi kerak. O'yinni cho'zish uchun qilgan harakatlari haddan tashqari oshib ketdi. Birinchi bo'limni o'zidayoq hakam kamida besh daqiqa qo'shib berishi kerak edi. Bizga qarshi jamoalar avtobus qo'yishdami-e, troleybusmi bilmadim. Futbolni o'ynash kerak. Lekin ularning bu harakatlari bizni yanada kuchli qilyapti. Sizning savolingizga javobim shuki, bu narsa futbolni go'zallashtirmaydi.

- Bugun Baxtiyor Ashurmatov hakamdan nolidi. Sizning fikringiz qanday?
- "Buxoro" bilan o'yinda durang qayd etdik. Jurnalistlar menga savol berar ekanlar, hakam manzili tomoni nimanidir aytishimni kutdilar. Lekin o'sha o'yinda ham, bugun ham hakamlarga baho bermayman.

- Hujum chizig'iga nomzod qidirish kerak emasmi?
- Sergeevda bir o'yinda uch to'rtga yaqin imkoniyatlar bo'lyapti. Balki hozir u shoshayotgandir. Lekin imkoniyatlar bo'lyapti. Bu chiziqni ichki rezerv bilan kuchaytirishimiz mumkin. Soliev, Yusupov va Rogavanov kabi futbolchilarni misol qilib keltirishim mumkin.

- Iskanderov terma jamoalarda o'zi "yorib" kiradi, "Paxtakor"da asosan pas berishga ko'proq moyil.
- Iskanderov universal futbolchi. Bugun Maxaradze yo'qligi uchun, u o'rtani qo'lga olishi kerak edi.