Samvel Babayan: "Ertaga qora ananani buzishga harakat qilamiz"

"Bu meni Bahraynga birinchi tashrifim emas. Bu erda klub bilan ham, terma jamoa bilan ham kelganman. Har kelganimda shahardagi o'zgarishlarga ko'zim tushadi. Manama yildan-yilga go'zallashib, chiroy ochib bormoqda. Ertaga bizni juda kuchli raqibga qarshi o'yin kutib turibdi. Bahrayn yuqori darajadagi jamoa sanaladi. Bahraynni juda malakali, kuchli mutaxassis boshqarib bormoqda. Bizning vazifa esa uchrashuvdan-uchrashuvga o'z o'yinimizni kuchaytirib borish. Bu mening terma jamoadagi uchinchi o'yinim bo'ladi. Biz ertaga o'zimiz uchun kerakli natijani qo'lga kiritishga harakat qilamiz. Guruhdagi vaziyat shuni taqozo etmoqdaki, buyog'iga xato qilishga haqqimiz yo'q", - dedi Samvel Babayan.

- O'zbekiston terma jamoasi rasmiy o'yinlarda hali Bahraynni biror marta mag'lub etolgani yo'q. Ertaga ham tarix davom etadimi?

- Har bir seriya ertami-kechmi tugaydi. Umid qilamizki, ertaga biz ushbu qora ananani buzamiz.