Samvel Babayan: “Eng kuchli guruhdan joy olganmiz”

Intervyu davomida murabbiy bo'lajak musobaqa, O'zbekiston o'rin olgan guruh, raqiblar va Qatardagi ob-havo sharoiti borasida to'xtalib o'tdi.

“Ushbu Osiyo chempionati qiziq o'tishi aniq. CHunki bu kabi musobaqalarga barcha jamoalar yaxshi tayyorgarlik bilan keladi. Bu turnir butun Osiyo futbooi uchun kashfiyotlar turniri bo'ladi. CHunki unda yaqin kelajakda qita futbolini mana shu chempionat ishtirokchilari jahonga tanitadi”.

“Guruhimiz - musobaqadagi eng kuchlisi. Bu guruhdan qaysidir jamoa albatta Riodagi Olimpiadaga yo'l oladi. Ha, qura bizga eng kuchli raqiblarni taqdim etdi. Kuchli jamoalar fonida biz o'z kuchimizga to'g'ri baho berish imkoniga ega bo'lamiz”.

“Jismoniy tayyorgarlik bugungi futbolda eng muhim ahamiyatga ega bo'lgan jihatlardandir. Kimki, jismonan turnirga tayyor emas ekan, u hech narsaga erisha olmaydi. Tabiiyki, biz bu narsaga juda katta etibor qaratyapmiz. Umid qilamanki, kuchli jamoalar to'sig'idan o'tishga kuchimiz etadi”.

“Hozirgi kunga kelib barcha chiziqlar o'rtasidagi hamohanglikka va muvozanatga erishdik, deb o'ylayman. Tayyorgarlikga keladigan bo'lsak, menimcha, murabbiy o'z falsafasini futbolchilarga tushuntirish va uni maydonda tadbiq qilishi uchun bir oy muddat etarli. Nima bo'lganda ham, qanchalik tayyor ekaningni birinchi rasmiy o'yin ko'rsatib beradi. O'tkazgan o'rtoqlik nazorat uchrashuvlarimiz bizga jamoaning kuchli va ojiz nuqtalarini aniqlashda katta yordam berdi. Biroq rasmiy o'yin bu, baribir, rasmiy o'yin”.

“Ayni paytda Qatardagi ob-havo futbol uchun ideal, deb o'ylayman. Bunday qulay ob-havo sharoitida ajoyib, zamonaviy, dinamik futbol namoyish qilish mumkin. Umid qilamanki, turnir ohirigacha ob-havoda kechkin o'zgarishlar bo'lmaydi. Bu erda o'tkazgan o'rtoqlik uchrashuvlarimizning birida qattiq jala ostida qolgan edik. Musobaqada bunaqa favqulotda holatlar yuzaga kelmasligidan umidvormiz”.