Samvel Babayan: "Birinchi bo'lim 2:0 yoki 3:0 hisobida yakunlanishi kerak edi"

O'yin haqida

- O'yin yaxshi bo'ldi. Ustunlik bilan harakat qildik, vaziyatlar yaratdik. Vaziyatlardan foydalana olmaslik bizga g'alaba qozonishga halal bermoqda. Bugun ham shunday bo'ldi. Yigitlar harakat qilishmoqda, vaziyatlar yaratishmoqda. Futboldagi eng qiyin ishlardan biri vaziyatlar yaratish va gol kiritish. Birinchi qismni yaxshi bajaryapmiz, ammo gollar ura olmayapmiz. Vaziyatlarni golga aylantirish borasida katta muammolarimiz bor. Birinchi bo'lim 2:0 yoki 3:0 hisobida yakunlanishi kerak edi, ammo to'p hech qanaqasiga darvozaga kirishni istamayapti. Ikkinchi bo'limda ham vaziyatlar yaratdik, ammo gol ura olmadik. O'ylashimcha, biz allaqachon turnir jadvalida raboqatchilarimizdan katta farq bilan o'zib ketishimiz kerak edi. Afsuski, bunday bo'lmadi. Qaytaraman, jamoam jarohatlar va charchoqqa qaramasdan sifatli futbol ko'rsatmoqda. Jamoa liderlari mavsumni barqaror o'tkazishmoqda. Nima deyish mumkin, chempionatda uchta o'yin qoldi va kubok finali. Muxlislarni xursand qilishga harakat qilamiz. Nimadir sovrinni qo'lga kiritish uchun g'alaba kerak. Mana shu to'rtta o'yinga bor etiborimizni qaratamiz.