Rustam Qurbonboev: “Beshinchi o'rin bizga yarashmaydi”

Yaqinda uning guruhi Qozog'istonda bo'lib o'tgan Anton Roxosovich SHox xotirasiga bag'ishlab o'tkazilgan turnirida ishtirok etib qaytdi.

Mazkur musobaqada Rustam Qurbonboev shogirdlari beshinchi o'rinni egallashdi. Albatta, jami sakkizta jamoa ishtirok etgan turnirda beshinchi o'rin bilan qaytish “Paxtakor” uchun qoniqarli natija hisoblanmaydi. Bu haqda murabbiyning o'zi ham aytib o'tdi.

“Xotira turniri yaxshi saviyada o'tdi, - deydi Rustam Qurbonboev. - Tashkiliy ishlarning hammasi joyida bo'ldi. Endi o'tkazgan o'yinlarimizga kelsak, guruhda dastlab “Dordoy” bilan durang o'ynadik, keyingi bahsda “Bunyodkor”ga yutqazib qo'ydik va uchinchi o'yinda Olma-Ota jamoasini mag'lub etdik. Natijada guruhda uchinchi o'rinni egalladik. Pley-off bahslarida esa avvaliga “Spartak” (Toshkent), undan keyin yana o'sha Olma-Ota jamoasini mag'lub etib, yakunda beshinchi o'rinni oldik. Oldimizga qo'yilgan vazifa “Paxtakor” uchun o'yinchi etkazib berishdir. Bu borada ishlayapmiz. Xotira turnirida jamoamizdan Georgiy Ahmedov “Tomoshabinlar mehrini qozongani uchun” sovrini bilan taqdirlandi. Bu ham bizni xursand qildi”.

Quyida “Paxtakor-99”ning xotira turnirida qayd etgan natijalari va gollar muallifini keltirib o'tamiz.

Guruh bahslari
“Paxtakor-99” - “Dordoy” (Bishkek) - 1:1
Gol: Roman Jo'raev.

“Paxtakor-99” - “Bunyodkor” (Toshkent) - 0:1

“Paxtakor-99” – SDYUSHOR-2 (Olma-Ota) - 3:0
Gollar: Sarvar Soliev (2ta), Oybek Hamidov.

Pley-off bahslari
“Paxtakor-99” - “Spartak” (Toshkent) - 3:2
Gollar: Ramil Sarkaev (2ta), Sarvar Soliev.

“Paxtakor-99” – SDYUSHOR-2 (Olma-Ota) - 7:1
Gollar: Sarvar Soliev (2ta), Georgiy Ahmedov (2ta), Ramil Sarkaev, Roman Jo'raev, Oybek Hamidov.