Rustam Mirsodiqov: "Paxtakor"ga qarshi uchrashuv og'ir kechishini bilgandik"

Rustam Mirsodiqov, “Metallurg” FK bosh murabbiyi: - “Paxtakor”ga qarshi uchrashuv og'ir kechishini bilgandik. Buning ustiga asosiy tarkibni uch nafar etakchi o'yinchisi maydonga tushmasligi vazifamizni yanada qiyinlashtirdi.

Afsuski, bugungi olingan sariq kartochkalar tufayli keyingi o'yinda ham bizga etarlicha bosh og'rig'i tug'ildi. Ammo tan olish kerak, bugun biz nomdor raqibga munosib qarshilik ko'rsatdik. Agar yaratilgan vaziyatlardan futbolchilarimiz unumli foydalanishganida ijobiy natijaga erishishimiz ham mumkin edi.

Yosh futbolchilarimizdan Sanjar Qodirqulov uchrashuvning eng faol o'yinchisi sifatida qayd etilganidan xursandman. Bo'lg'usi uchrashuvlarda ham yoshlarga ishonishda davom etamiz, deydi Rustam To'xtamurodovich.

"Metallurg" matbuot xizmati