Rustam Mirsodiqov: “Omad biz tomonda bo'ldi deb o'ylayman”

- Ochig'ini aytsam men bugungi o'yin haqida tayinli gap aytishim qiyin. Ertaga uchrashuv diskini ko'rib chiqib shundagina bir xulosa chiqarishim mumkin - deya gap boshladi Mirsodiqov.

- Men shuni oldindan sezgandimki, bitta o'yin yaxshi o'ynasak keyingi tur qiyin bo'ladi. Bugun shunday bo'ldi. Turnir jadvalida “Neftchi” bilan yonma-yon turgandik. SHu bois yigitlar ruhiy tomondan o'zlarini unchalik tayyorlay olishmadi. Buning natijasida bahsning 3-daqiqasidayoq tezkor gol o'tkazib yubordik. Bundan oldingi turda “Nasaf”ga qarshi esa har to'p uchun kurashda yutqazmasdan o'ynadik. Futbolda shunaqasi ham uchrab turadi.

- “Neftchi” jamoa yaxshi shakllangan. Ularga ozgina omad etishmayapti. Uchrashuv oxirlarida darvozabonimiz Mamur Ikromov mahorat ko'rsatib bizni ikkinchi goldan asrab qoldi. Aks xolda bugungi o'yin ham durang bilan yakunlanishini mumkin edi. Qolaversa hisob 1:1 bo'lib turgan paytda ham farg'onaliklarda bir necha marotaba golli vaziyatlar yuzaga keldi. Bugun omad biz tomonda bo'ldi deb o'ylayman.