So’nggi yangiliklar

16:49Футзал. "Оил Стар" ярим финалнинг жавоб учрашувида ҳам ЎзСҚБдан устун келиб, Ўзбекистон Кубогининг биринчи финалчиси бўлди  0 16:30Ўзбекистон Кубоги. 3-тур дисквалификациялари: ОКМК, "Сурхон" ва "Шўртан" 1 нафардан йўқотишга эга  0 16:15"Манчестер Сити" ва Абдуқодир Ҳусанов 2025/26 йилги мавсум учун уй либосини тақдим этди  11 15:58Ўзбекистон Кубогида нима гап?  5 15:48Ўзбекистоннинг БАА ҳамда Қатарга қарши учрашувлари учун ҳакамлар тайинланди  12 15:48Ўзбекистон кубоги. "Пахтакор" 9:0 ҳисобида ютгани фойдасизми? "Насаф" 1:0 ҳисобида ютса, кейинги босқичга чиқадими?   4 15:31"Футбол олами". Водий дербисида "Нефтчи"да ғалаба, "Пахтакор"да 6:0, Қаршида жанговар дуранг ёхуд 9-тур ҳақида батафсил  0 15:20Эшитдик-да! CAFA U-17 мусобақасида Ўзбекистон U-16 терма жамоаси қатнашади  0 15:00Про лига. 6-тур ўйинларига ҳакамлар тайинланди  1 14:39МЮ Европа Лигасидаги эҳтимолий ғалабани нишонламоқчи эмас  2 14:11Анчелоттининг ўғли "Рейнжерс"ни бошқариши мумкин  2 13:42"Ноттингем Форест" эгаси омма олдида бош мураббийга нисбатан ғазабини намоён қилди  3 13:15"Барселона" Флик ва Шенснига янги шартнома таклиф этди  6 12:48"Наполи" Де Брюйнега қанча маош беришга тайёрлиги маълум  3 12:21Австрия ва Швейцария чемпиони "Байер" бош мураббийлигига даъвогар  0

Rustam Ashurmatov: "Terma jamoadan chaqiruvni anchadan buyon kutayotgan edim" Yangiliklar

Rustam Ashurmatov: "Terma jamoadan chaqiruvni anchadan buyon kutayotgan edim"

Janubiy Koreyaning "Gvangju" klubida faoliyat olib borayotgan Rustam Ashurmatov O'zbekiston terma jamoaning oktyabr oyidagi yig'iniga chaqirildi.

Koreya birinchi ligasida birinchi mavsumni muvaffaqiyatli tarzda o'tkazayotgan himoyachi bilan Toshkentga kelishidan avval suhbatlashdik.

- Uzoq tanaffusdan so'ng yana milliy terma jamoadan chaqiruv oldingiz. Bu xabarni eshitganda nimalarni his qildingiz?

- Milliy termaga chaqirilishimni to'g'risi anchadan beri kutayotgandim, sababi oxirgi payt terma jamoadan ancha uzoqlashib qolgandim. Bu chaqiruv men uchun oldinga qo'yilgan yangi qadam bo'ladi deb o'ylayman. Ichimdagi hissiyotlarni so'z bilan tariflash qiyin, lekin murabbiylarning etiboriga tushganimdan juda ham xursandman. Xudo xohlasa ularning ishonchni oqlashga harakat qilaman.

- Oldinda JCH-2022 saralashi doirasida Yaman va Singapur bilan o'yinlar kutib turibdi. Bu bahslardan nima kutayapsiz?

- Albatta jamoa faqat g'alaba uchun maydonga chiqadi va g'alaba bo'lishi uchun ham murabbiylar shtabi o'zgartirildi deb o'ylayman. Meni o'yinlardan nima kutishim emas, nima qila olishim ko'proq qiziqtiradi. Terma jamoaga kim chaqirilsa ham bor kuchimiz bilan o'ynashimiz shart va bunga majburmiz. Sababi mamlakat bosh jamoasida o'ynash hammaga ham nasib etavermaydi.



- Vadim Abramov bosh murabbiy bo'lganiga qanday munosabatdasiz?

- Albatta ijobiy. Lekin murabbiy almashishi bu oddiy xol. Sababi natija bo'lmaganda albatta birinchi murabbiydan so'raladi. SHuning uchun Ektor Kuperning o'rniga Vadim Karlenovich tayinlandi deb hisoblayman. Jahon chempionatiga chiqish uchun murabbiylar ham, futbolchilar ham qo'limizdan kelgan ishni qilamiz, xato qilishga umuman haqqimiz yo'q. Xalqimiz uzoq yillardan beri Jahon chempionatini kutadi, 2022 yil Qatardagi mundialga yo'llanma olish uchun barchamiz harakat qilamiz.

- Siz o'ynayotgan "Gvangju" klubi Janubiy Koreya birinchi ligasida peshqadamlik qilmoqda. Oliy ligaga chiqish klub uchun qanchalik katta muvaffaqiyat bo'ladi?

- To'g'ri aytdingiz, jamoamiz hozirda chempionatda 1-o'rinda bormoqda. Niyatimiz K1-ligaga chiqish. Bu biz uchun juda ham muhim hisoblanadi. Klub rahbariyati, murabbiylar va biz futbolchilar bir yoqadan bosh chiqargan holda ishlayapmiz. Jamoamiz juda ham ahil, nimadir bo'lib yuqori ligaga chiqa olmasak bu biz uchun haqiqiy fojiaga aylanadi.

- Koreyadagi o'ynayotganingizda deyarli bir yil bo'ldi. Bu mavsum siz uchun qanday o'tmoqda?

- Men uchun juda ham yaxshi o'tmoqda deb bemalol ayta olaman. CHunki klubimizning asosiy o'yinchilaridan biriga aylana oldim va g'alabalarga munosib hissa qo'shyapman. Nasib bo'lsa shu ruhda davom etishim kerak.



- Janubiy Koreyada sizga nima etishmayapti?

- Nimadir etishmayapti deb aytolmayman, lekin oilam yonimda bo'lganda yahshiroq bo'lardi. Onamni, akamni va singlimni juda ham sog'inayapman.

- Klubdagi futbolchilar bilan qanday tilda gaplashayapsiz?

- Jamoadoshlarim bilan ingliz tilida gaplashaman. To'g'ri koreyalik futbolchilar ingliz tilini uncha yaxshi bilishmaydi, lekin amallab til topishayapmiz, shu qatorda o'zim ham ham koreys tilidan bazi so'zlani o'rganib olganman. Faoliyatimni yuqori saviyada davom ettirish uchun qo'ldan kelganicha harakat qilyapman.


Narzulla Saydullaev suhbatlashdi

Reyting: +45   

Fikrlar

championat.asia
< so’nggi yangiliklarni ko’rish
Яндекс.Метрика