Rufat Akramxo'jaev: "Surxondaryo xalqi futbolni sevadi, bu viloyatga albatta futbol kerak"

"Bugun qiyin uchrashuv o'tkazdik. Afsuski, mag'lubiyatga uchradik. Uchrashuv davomida ayrim vaziyatlar tushunarsiz bo'ldi. Jamoamiz futbolchilariga bu borada etirozim bor.
Bugungi uchrashuvda standart vaziyatlarda ikkita gol o'tkazib yubordik, bu bizni kamchiligimiz, himoyamiz bir oz bo'sh harakat qildi, shu kabi xatolar ustida yanada jiddiyroq ishlaymiz.

Qizil kartochka ko'rsatilgan vaziyatda Daniel Nasriddinovga qanday ayb qo'yildi, bu bizga eshitilmadi. Ushbu vaziyatga uchrashuv bosh hakami bizdan ko'ra yaqinroq edi, demak hammasini ko'rib-bilib keyin qaror chiqargan, futbolchimiz uchrashuvdagi ikkinchi sariq kartochkani olib maydonni tark etdi.      

Jamoamiz oldida Superligaga chiqish vazifasi turibdi, bu vazifa xech qachon o'zgarmaydi, biz har bir uchrashuvga g'alaba uchun maydonga tushamiz. Maqsadimiz turnir jadvalida 1-o'rinni egallash yoki o'tish o'yinlarida g'alaba qozonib, Superligaga chiqish. Surxondaryo xalqi futbolni sevadi, bu viloyatga albatta futbol kerak.  

Bekzod Tolibov yozib oldi.

“Surxon” matbuot xizmati bilan xamkorlikda tayyorlandi.