Ro'ziqul Berdiev: "Bugun o'yinimiz ham, hisob ham ko'ngildagidek bo'ldi"

- Bugungi o'yin haqida gapiradigan bo'lsam, bugun yigitlarimiz maydonda o'ziga katta ishonch bilan, erkin harakat qilishdi. Bugun bundanda yirikroq hisob bo'lishi mumkin edi. Ammo bugun o'yinimizdan ham hisobdan ham qoniqish hosil qildim. Futbolchilarimizga buning uchun o'z tashakkurimni bildiraman.

O'zingizga malum, o'tgan tur bilan bu tur o'rtasida tanaffus yuzaga keldi, bu tanaffusdan unumli foydalanishga harakat qildik. Futbolchilarimizga ko'proq hordiq chiqarishga imkon ham berdik. Ammo ular hordiqdan so'ng o'z ustilarida astoydil ishlashdi. Natijasini mana ko'rib turibsizlar.

Futbolchilarda, o'yin borasida o'sish ham pasayish ham kuzatilib turiladi. Bugun Ognen Krasich g'alabamizga o'zining katta hissasini qo'shdi. U uchta golda ham asisentlik qildi. Ammo g'alaba butun jamoaniki, yigitlar bugun astoydil harakat qilishdi. Muxlislarimizga ham kattadan – katta tashakkurlarimizni izhor qilamiz. Bundanda chiroyli va zafarli o'yinlarimiz bilan ularni yana ham xursand qilishga harakat qilamiz.