So’nggi yangiliklar

14:18"Динамо" "Насаф" расмийсининг сўзлари бўйича баёнот берди  5 14:00Клублар ўртасидаги жаҳон чемпионатида қайси жамоа ғолиб бўлади? Суперлига футболчилари тахмини  7 13:33Анвар Ҳожимирзаев: "Ўйин сўнгида омад "Насаф" томонда бўлди"  6 13:18Абдувоҳид Неъматов: "Бундай катта ўйинда VAR йўқлиги бироз ноқулайлик туғдирди"  2 13:04107 километрлик ланъат ёхуд "Динамо" - "Насаф" учрашувига нега КТС келмади?   40 12:52БУМ! Ўзбекистон Уругвай билан ўртоқлик ўйини ўтказади  21 12:37"Динамо" – "Насаф" учрашувида пенальти бормиди? Экспертимиз жавоб беради  13 12:18Акмал Мозговой: "Фаолиятимда янги саҳифани очишга қарор қилдим"  9 12:07Расман: "Сўғдиёна" сербиялик ҳимоячи трансферини эълон қилди  1 11:51Мексика терма жамоаси КОНКАКАФ Олтин Кубоги финалида АҚШни мағлуб этди  1 11:29"Фенербахче" "Ал Насср" ҳужумчисини ижарага олди  2 11:09Ўзбекистон ва Озарбайжон U-20 Жаҳон чемпионатини биргаликда ўтказиш бўйича ФИФАга ариза топширди  8 10:44Файзуллаевга "Истанбул"дан расмий таклиф кутилмоқда: ЦСКА эса уни сақлаб қолмоқчи  12 10:20Анри: "Гвардиола — тарихдаги энг яхши мураббий"  7 09:58Томас Мюллер фаолиятини якунлади — “Бавария” афсонаси сўнгги сўзини айтди  9

"Rotor" sharoit yaratib bermagani bois "Lokomotiv" ishtirokidagi o'yin o'tkazilmadi Yangiliklar

"Rotor" sharoit yaratib bermagani bois "Lokomotiv" ishtirokidagi o'yin o'tkazilmadi

Bugun, 10 fevral kuni "Lokomotiv" Turkiya yig'ini doirasida oxirgi uchrashuvini o'tkazishi lozim edi. Bu o'yin Rossiya premer-ligasi vakili "Rotor" bilan rejalashtirib qo'yilgandi.

O'yin bo'lib o'tishi borasida garchi har ikki jamoa o'zaro kelishib olgan bo'lsa-da, "Rotor" o'yin yaqinlashgan sari ishni paysalga solaverdi. "Lokomotiv" PFK ularga o'yinni Sideda o'tkazish taklifi bilan chiqdi, chunki biz istiqomat qilayotgan joyda yaxshi stadion bor va sharoitlari ham alo darajada.

Ular esa o'zlari istiqomat qilayotgan mehmonxona yaqinidagi maydonda o'ynashni afzal ko'rishdi. O'yin vaqtini belgilash ham oson bo'lmadi. Biz uchun o'yinni 11:00 yoki tushdan keyin 16:00da boshlash qoniqtirardi. Ular esa 13:00da boshlaymiz turib olishdi. Yakunda tomonlar bir to'xtamga kelib, uchrashuv soat 11:00da start olishiga kelishib olishdi. 

Natijada bugun ertalab 8:45da mehmonxonadan o'yin bo'lib o'tishi lozim bo'lgan "Kaya Palazzo" stadioni tomon avtobusda yo'l oldik. Salkam bir soatga yaqin (70 km.) yo'l bosib, belgilangan joyga etib bordik va ne ko'z bilan ko'raylikki, u erda stadiondan asar ham yo'q edi. Faqat uchta mashg'ulot o'tkazish maydonchasi bor ekan, xolos. 



Jamoa o'yinga borganda birinchi navbatda nima kerak bo'ladi? Albatta, kiyim almashtirish xonasi. Axir ko'chada hammaning ko'z o'ngida echinib kiyinmaysiz-ku. Lekin biz borgan "stadion"da na kiyim almashtirish xonasi bor, na tribuna va na boshqa sharoitlar. Qolaversa o'yindan keyin yuvinib olish ham kerak. Raqib futbolchilariga mazza, ular besh daqiqada o'z xonalariga etib olishadi, lekin biz-chi? Qolaversa mezbon jamoadan kimdir kutib olmadi ham. 



Soat 10:30 bo'ldi. SHu payt "Rotor" futbolchilari birin-ketin mehmonxonadan chiqib kela boshlashdi. Ular turgan mehmonxona maydongacha besh daqiqalik yo'l. "Lokomotiv" bosh murabbiyi Mikael Sekeyra "Biz havaskor klub emasmiz va bunday sharoiti yo'q maydonda o'ynay olmaymiz, 10 daqiqa vaqt bor, yo boshqa stadion topamiz yoki o'yin bo'lmaydi" deb dangal gapirdi. "Rotor"da ishlayotgan yordamchi murabbiy Maksim SHackix jamoamiz oldiga kelib, vaziyatni tushuntirishga urindi, biroq bari befoyda. 



O'ng tomonda yana bitta maydon bor ekan, har holda biroz sharoiti yaxshiroq. SHaroiti yaxshiroq deganda maydon cheti atrofni o'rab turgan sim to'siqdan biroz uzoqroq, biz o'yin o'tkazmoqchi bo'lgan maydonda esa to'siq maydon chizig'iga juda yaqin edi va qanot hakamiga yugurishga joy yo'q. Ha, aytgancha zaxiradagilar o'tiray desa o'rindiq ham, chigalyozdi mashqlar uchun alohida joy ham yo'q. Yonimizdagi maydonda "Ufa" klubining mashg'uloti belgilangan ekan, shu bois u erda ham o'ynab bo'lmasdi.



Baribir hech narsa o'xshamadi va yana avtobusga o'tirib ortga qaytdik. Eslatib o'tamiz, 28 yanvardan Turkiya yig'iniga kirishgan "Lokomotiv" 12 fevral kuni Toshkentga qaytib ketadi. Ertaga oldinda bir kunimiz bor, qaysidir jamoa bilan o'rtoqlik uchrashuvi bo'ladimi, murabbiylar hozir shuni hal qilishmoqda.

Yangilik bo'lishi bilan albatta etkazamiz. 

"Lokomotiv" PFK matbuot xizmati.

Reyting: +33   

Fikrlar

championat.asia
< so’nggi yangiliklarni ko’rish
Яндекс.Метрика