"Ronaldu bilan ishlash juda oson edi" - Anchelotti

"Ronalduni shug'ullantirish? Bu juda oson edi. Har bir o'yinda gol uradigan futbolching bo'lsa, senga oson bo'ladi (kuladi). Ronaldu erishgan natija – aql bovar qilmaydigan narsa", – dedi Anchelotti.

Ronaldu 2009 yildan 2018 yilgacha "Real"da o'ynagan bo'lsa, Anchelotti birinchi marta 2013 yildan 2015 yilgacha bosh murabbiy bo'lgan. Ular birgalikda 2013/14 yilgi Ispaniya Kubogi, 2013/14 yilgi CHempionlar Ligasi, 2014 yilgi UEFA Superkubogi va 2014 yilgi klublar o'rtasidagi Jahon chempionatida g'olib chiqishgan.

Anchelotti 2021 yilda yana "Real" boshqaruviga kelgan. Uning shartnomasi 2026 yilning yoziga qadar mo'ljallangan. Ronaldu hozir Saudiya Arabistonining "Al Nassr" klubida o'ynaydi. Forvardning klub bilan kelishuvi 2025 yilgacha mo'ljallangan.