"Real"ning XXI asrdagi eng kuchli 11 nafar futbolchisi

Iker Kasilyas



"Real"ning doimiy birinchi raqamli posboni. Klubning yaxshi va yomon kunida doimo birga bo'lib kelgan. Albatta, dastlabki mavsumlarda xatolar bo'lib turgan. Biroq, uni istedodi tufayli barcha kechira olardi. Aynan mana shunday qo'llab-quvvatlashlar ostida u o'z mamlakatining eng yaxshi darvozaboniga aylana oldi.
Ammo, Ikerning "qirollik klubi"dan ketishi yaxshi bo'lmagandi. Mayli, Kasilyasni bugungi kunda uning qay tarzda ketgani uchun emas, ajoyib o'yinlari tufayli yodimizda saqlaymiz.


Roberto Karlos



O'z vaqtida dunyoning eng kuchli chap qanot himoyachisi bo'lgan. Jarimadan beradigan kuchli zarbalari esingizdan chiqib qolmadimi? U shuningdek jamoadoshlari uchun ham ajoyib vaziyatlar yaratib bera oladigan futbolchi edi.


Pepe



Mourino davrida u dunyoning eng kuchli va neadekvat himoyachisiga aylandi-qoldi. Futbolchi raqiblarini shunchaki "eb qo'yardi". Xattoki, bir marta 10 ta o'yinga ham diskvalifikaciya olgan. "Qirollik klubi"ga Karlo Anchelotti kelganidan so'ng esa u mavsum davomida Messidan ham kam sariq kartochka oldi.


Serxio Ramos



"Tilla bola"ning "Sevilya"dan "Real"ga ko'chib o'tganida rosa gap-so'zlar bo'lgandi. O'shanda madridliklar himoyachi uchun yaxshigina pul to'lashgandi. Biroq, bugungi kunda Ramosning jamoadagi o'rnini hisobga oladigan bo'lsak "Real" o'sha paytda ushbu transferni amalga oshirib xato qilmaganini tushunishingiz mumkin. Serxio o'zining boshi bilan jamoasiga bir qancha kuboklarni taqdim etgan.

Ramos to'purar himoyachi. "Real"ga gol kerakmi? Jamoa so'nggi daqiqalarda burchak to'pi ishlaydi va... davomini o'zingiz bilasiz.



Michel Salgado



Salgado aslida APL jamoasida o'ynash uchun tug'ilgan. Biroq, o'zining "Real"da 10 ta mavsum davomida ko'rsatgan o'yinlari orqali ushbu tarkibga kirishga loyiq futbolchi bo'lgan.


Kristianu Ronaldu



Xattoki futboldan uzoq bo'lgan uy bekalari ham u haqida bilishadi. Ronaldu "Real"ga yulduz bo'lib kelgan va o'z saviyasida o'ynab keta olgan kam sonli futbolchilardan biri hisoblanadi. To'g'ri, Krishtida omadsiz o'yinlar ham bo'lgan. Ammo, Ronaldu uchun omadsiz hisoblangan mavsumd 99 foiz futbolchi uchun orzu hisoblanadi!


Zinedin Zidan



"Galaktikos"da u eng taniqli yulduz edi. Zidandan doimo o'yinni o'zgartirib yuborishni kutishardi. Muxlislar, matbuot, umuman, barcha-barcha Zidanni yaxshi ko'rardi.

U bugungi kunda sevimli jamoasining bosh murabbiyi hisoblanadi va Madrid klubidagi ishlari chakki emas.


Guti



Ispaniyalik to'p ustasi nima uchundir omadsiz futbolchilar sirasiga kiradi. Faoliyati davomida yulduz futbolchilar bilan birga o'ynagan. U "Real"da 15 mavsum o'tkazgan.


Luish Figu



Aynan Figuning transferidan boshlab "Real"da "galaktikos" davri boshlangan. "Barselona"dan "Real"ga o'tish tarixi haqida esa kattagina maqola tayyorlasa bo'ladi.


Raul



Yerroning ketishi ortidan, Raul "Real" sardoriga aylanadi va ko'p yillar davomida "qirollik klubi" sharafini himoya qiladi. Raulning "Real"dagi faoliyati haqida ortiqcha tarif berib o'tirmasak ham bo'ladi.


Ronaldo



U "Inter"da ikkita og'ir jarohatni boshidan o'tkazgandi. Ko'pchilik o'shanda Ronaldoning faoliyati yakuniga etayotgani haqida gapira boshlagan. Biroq, u Ispaniya poytaxtida fantastik uch mavsumni o'tkazadi va to'purarga aylanadi.


Sizningcha ushbu tarkibdan yana kimlar o'rin olishi mumkin? O'z variantlaringiz bilan o'rtoqlashing!

sports.ru sayti asosida tayyorlandi

Kecha "Barselona"ning XXI asrdagi eng kuchli 11 nafar futbolchisi ni etiboringizga taqdim etgandik