"Real" o'z maydonida "Valensiya" bilan murosa ko'chasini tanladi

Ispaniya chempionati, 36-tur.

"Real" - "Valensiya" 2:2

"Santyago Bernabeu" stadioni.

Gollar: Mate (44), Ramos (59), Parexo (65), Ronaldo (90).

"Real": Diego Lopes, Karvaxal, Varan, Ramos, Marselo, Alonso, Ilyarramendi (Di Mariya, 46), Isko (Kazemiro, 72), Beyl, Benzema (Morata, 84), Ronaldu.

"Valensiya": Diego Alves, Joau Pereyra, R. Koshta, Mate, Bernat, Fuego, S. Keyta, Feguli, Parexo (Vezu, 89), Vargas (Barragan, 90), Pako Alkaser (Jonas, 67).

Ogohlantirishlar: Di Mariya (51), S. Keyta (70), Diego Alves (80), Feguli (90).

                                       MATNLI TRANSLYACIYA

                                                   YANGILASH

Ushbu o'yinda Sizning xizmatingizda SHahboz Beg'amov bo'ldi. Barchangizga etibor uchun tashakkur! Sog'lik, baxt va omad Sizlarni aslo tark etmasin! Tuningiz xayrli o'tsin! Keyingi futbol o'yinlarida uchrashguncha...

Uchrashuv yakunlandi! Dahshatli o'yin tugadi! "Real" o'z maydonida "Valensiya" bilan bir ochkodan bo'lishib oldi!

90+5` Ronaldooooooo zarba! Birozgina noaniq....

90+4` "Real" yana bir gol kiritishi uchun yana imkoniyatlar bo'ladi.

90+3` Feguli "Real" futbolchilari bilan tortishib qoldi va ogohlantirildi.

90+2` GOOOOOOOOOOOOOOOOOOOOOOOL! Krishtianooooooooooo! Ronaldooooooooooo! Di Mariyaning pasidan so'ng Ronaldo juda chiroyli va nozik zarbasi bilan Diego Alves darvozasiga to'p kiritmoqda!

90` Uchrashuvga 5 daqiqa vaqt qo'shib berildi!

89` "Real"ning ketma-ket hujumlari besamar yakunlanmoqda. Buning asosiy sababchilari "Valensiya" himoyachilari va mehmonlar posboni Diego Alves ekanligi tan olish lozim!

88` Serxio Ramos o'ng qanotdan to'pni jarima maydonchasi ichiga etkazib berdi. Diego Alves to'pni ushlab oldi.

87` "Real"ning navbatdagi hujumi. Yana burchak to'pi. Bu safar nima bo'ladi?  Bu daqiqaga kelib "Valensiya" futbolchisi Parexoga tibbiy yordam ko'rsatilmoqda.

85` Krishtiano Ronaldodan yana bir shou! Ronaldo jarima maydonchasi ichiga kirib yiqildi va hakamdan 11-metrlik jarima zarbasini so'radi. Hakam jim. Referi nima uchun Ronaldo penalti so'raganini tushunmadi ham. Hakam haq bu vaziyatda!

84` Bugungi uchrashuvda maydonga nima uchun tushganini 84 daqiqa davomida eslay olmagan Benzemaning o'rniga Morata o'yinga tushirildi.

82` "Valensiya" ham hujumga borishdan charchamayapti. Feguli agarda sal aniqrog' harakat qilganida tablodagi hisob o'zgarishi mumkin edi.

80` "Real"ning sanoqsiz hujumlari yakuniga etmay qolmoqda. Gohida "Valensiya" himoyachilari yaxshi harakat qilishayotgan bo'lsa, bazi vaziyatlarda Diego Alves jamoasini muqarrar gollardan qutqarib qolmoqda!

78` Ronaldoooooooo va Diego Alves! Krishtianoning kuchli zarbasini "Valensiya" posboni bartaraf etdi!

77` "Real" jarima zarbasi ishlab oldi. Xavfli nuqta!

76` "Real" yana bir bor burchak to'pini amalga oshirdi. Lekin befoyda.

75` "Real"ning hujumi. Benzema ham, Ronaldo ham uzatilgan to'pga etib kela olmadi.

74` Kazemiro maydonga tushishi bilan darvoza tomon zarba yo'lladi. Lekin zarba Diego Alves darvozasigacha etib bormadi.

73` "Real"da o'zgarish ruy berdi. Isko o'rniga Kazemiro tushdi.

72` Parexo "Real"ni yana bir bor ranjitib qo'yishi mumkin edi.

71` Seydu Keyta hakam tomonidan ogohlantirish oldi.

70` "Real" o'tkazib yuborilgan goldan so'ng biroz o'zini yo'qoitb qo'ydi. "Valensiya" yana bir hujum uyushtirdi.

69` Benzemaning noaniq to'p uzatmasi "Real"ning hujumini uzib qo'ymoqda.

67` "Valensiya" tarkibida o'zgarish: Alkaser o'rniga Jonas maydonga tushirildi.

65` GOOOOOOOOOOOOOL! Parexo! "Valensiya" yana gol kiritmoqda va oldinga o'tib olmoqda! Mehmonlarning o'ng qanotdan uyushtirgan hujumini Dani Parexo o'zining ajoyib zarbasi bilan chiroyli yakunladi! Garet Beyl bu vaziyatda Parexoga "podkat" qilgan edi. Lekin dunyoning eng qimmat "podkati" ham "Real"ga yordam bera olmadi bu vaziyatda.

63` Takroriy lavhada shu narsa ko'rindiki, Ronaldo himoyachini qo'li bilan nariroqqa uloqtirib yuborgan ekan. Bahsli vaziyat!

61` "Real" himoyachisi Ramos so'nggi ikki o'yinda uchta to'p kiritdi. Karlo Anchelotti uchun yangi hujumchi paydo bo'ldi!

59` GOOOOOOOOOOOOOOOOL! Ramos! "Real"ning navbatdagi hujumi nihoyat samarakeltirdi. Di Mariya to'pni jarima maydonchasi ichiga etkazib berdi. Ronaldo esa boshi bilan to'pni Ramosga uzatdi. Serxio Ramos esa boshi bilan hisobni tenglashtirdi! Ramos - goledor!

57` "Real"ning burchakdan oshirib bergan to'pi samara keltirmadi.

56` "Valensiya" qarshi hujumda harakat qildi. Lekin "Real" himoyachilari bu vaziyatda aniqlik bilan o'ynashdi va xavfni oldini olishdi.

55` O'yindagi vaziyatlar boshqa mavzuda fikr yuritishimizga yo'l qo'ymayapti. 

54` Iskoning zarbasiga birozgina aniqlik etishmadi! "Real" bosimni kuchaytirmoqda!

53` Di Mariya va zarbaaaaaa... Diego Alves o'z o'rnida! O'yin shiddatli tarzda kechmoqda! "Real" futbolchilari chinakamiga quturishdi...

51` Ha, ha... Di Mariyaning jarima maydonchasi ichiga etkazib bermoqchi bo'lgan to'pi himoyachining qo'liga tegdi. Lekin hakam penalti belgilamadi. Di Mariya bu vaziyatda hakamga tashlandi va sariq kartochka bilan siylandi.

49` "Real" ikkinchi bo'limda katta ishtiyoq bilan harakat qilmoqda. Lekin hozircha ularga "Valensiya" himoyasini yorib o'tish nasib etmayapti.

47` Iskoning zarbasi Diego Alves uchun qiyinchilik tug'dirmadi.

46` Ikkinchi bo'lim boshlandi!

45+1` Birinchi bo'lim tugadi! TANAFFUS! Biroz dam olamiz! Uxlab qolish yo'q! Bizni ikkinchi bo'limda qiziqarli bahs kutib turibdi!

45` "Valensiya"ning hujumini Feguli rivojlantirdi. Uning zarbasini Diego Lopez katta qiyinchilik bilan maydon tashqarisiga chiqarib yuborgan edi. Burchak to'pidan keyin esa Mate jamoasi uchun muhim golni kiritdi.

44` GOOOOOOOOOOOOL! Jermi Mate! 0:1! "Valensiya" "Real"ni burchak to'pidan so'ng jazolamoqda! Jeremi Mate o'zining aniq zarbasi bilan Diego Lopez darvozasini ishg'ol etdi va jamoasini hisobda oldinga olib chiqdi!

42` Birinchi bo'limda "Real" tarkibidan Krishtiano Ronaldo va mehmonlar posboni Diego Alveslarning o'yini alohida takidlab o'tish mumkin.

41` Krishtiano Ronaldodan yana bir zarba va Diego Alves!

40` "Valensiya"ning hujumi yakuniga etmay qoldi.

38` Krishtiano Ronaldo ijrosidagi zarba va noaniq.

37` "Valensiya" jamoasi futbolchilariga bugun biroz tezlik etishmayapti. Ularning hujumlari juda chuzilib ketayotgandek.

36` Krishtiano Ronaldo "ayyorlik" ishlatib, hakamdan jarima zarbasi so'ramoqda. Hakam esa unga "o'rningdan turaqol" deb aytdi va bu vaziyatga ortiqcha etibor qaratmadi.

34` Bugun "Real"ning markazi biroz yaxshi o'ynay olmayapti.

32` Uchrashuv tizgini to'liqligicha mezbonlar qo'lida. Benzema va Ronaldo hozir hamjihatlikda hujum tashkil etishgan edi. Ammo "Valensiya" himoyachilari bu vaziyatni "o'qiy" olishdi.

30` Garet Beyl o'ng qanotdan kirib bordi va zarba yo'lladi. Lekin biroz noaniq.

28` "Real" yana faollashdi. "Valensiya" esa himoyada mehnat qilishga majbur. Burchak to'pidan so'ng yana Ronaldo boshi bilan zarba berdi. Lekin Krishtianoning zarbasiga aniqlik etishmadi.

26` Krishtiano Ronaldoooo! Diego Alvessss! Kuchli zarba va ajoyib "seyv"!

24` Isko va Alonso jamoadoshlarini vaziyatga chiqaradigan paslarni berishda xatoga yo'l qo'yishmoqda.

22` "Real"ning hujumlari hozircha mehmonlar himoyasiga etarlicha tashvish tug'dira olayotgani yo'q.

20` "Real"ning hujumi yakunlanmay qoldi. Ronaldo tomon markazdan oshirib berilgan to'pni mehmonlar himoyachisi bartaraf etib yubordi.

19` "Valensiya" o'z o'yinini topib oldi. "Real" endi biroz etiborini himoyaga qaratishga majbur.

17` Uhhhhhh! "Valensiya"ning ajoyib hujumi! Xavfli vaziyat! Fegulining boshi bilan yo'llagan zarbasi darvoza tusiniga tegib qaytdi!

15` "Real"ning navbatdagi hujumi. Burchak to'pidan etkazib berilgan to'pga mezbonlardan hech kim zarba bera olmadi.

13` Benzema to'pni qabul qilib olgach, jarima maydonchasi ichida turgan Ronaldo tomon tashladi. Lekin Ronaldo bu to'pga etib kela olmadi.

12` Feguli o'zining harakatlari bilan "Real" himoyachilarini birin-ketin ortda qoldirib, jarima maydonchasiga kirib kelayotgan bir paytda Ramos undan to'pni olib qo'ydi.

10` "Valensiya" nihoyat o'yinni o'z jarima maydonchasi oldidan uzoqlashtirishga erishdi. To'p mehmonlarda. Ular o'zlarining hujumlarini tashkil etish haqida o'ylashmoqda.

8` Garet Beyl o'zining ajoyib harakatlari bilan himoyachilarni ortda qoldirdi jarima maydonchasi ichida turgan Benzemaga to'pni oshirdi. Lekin Karim Benzema noqulay vaziyatda turganligi uchun imkoniyatdan samarali tarzda foydalana bilmadi.

7` Mezbonlar uchrashuvni faollik bilan boshlashdi. "Valensiya" himoyachilari va posboni hozircha aniq harakat qilishmoqda.

6` "Real" jamoasi ketma-ket ikki bor burchak zarbasi tepishdi. Lekin bundan naf chiqara olishmadi.

5` "Real"ning ilk hujumi. Ronaldo Diego Alvesni dog'da qoldirishi mumkin edi. Ammo Krishtiano ajoyib imkoniyatni yo'qqa chiqarmoqda. Aniqrog'i, Diego Alves Ronaldoning zarbasini juda chiroyli tarzda bartaraf etdi. Xavfli vaziyat!

4` To'p "Real" futbolchilari muomala qilishmoqda.

3` Bugungi o'yinda "Real"ga g'alaba suv va havodek zarur! "Atletiko"ning ochko yo'qotishidan Karlo Anchelotti jamoasi unumli foydalanish uchun barcha ishni amalga oshirishadi. "Valensiya" esa Evropa ligasida muvaffaqiyatsizlikdan so'ng o'z muxlislariga g'alabani taqdim etish ilinjida bugungi o'yinda maydonga tushgan.

1` Uchrashuv boshlandi!

Jamoalar maydonga chiqib kelishmoqda.

Assalomu aleykum qadrli futbol ishqibozlari! Bugun Ispaniya chempionati doirasida "Real" jamoasi o'z maydonida "Valensiya"ni qabul qiladi. Bu bellashuvdan matnli onlayn translyaciyasini amalga oshiramiz. Ushbu uchrashuv sharhini SHahboz Beg'amov yozib boradi. Yaxshi kayfiyatda saytimizni kuzatib borishingizni tilab qolamiz!

Uchrashuv soat 00:00da boshlanadi!