"Real" mavsumning birinchi 6 oyida 589,6 million evro ishlab topdi. 20 ta uy o'yinidan 19 tasida tomoshabinlar soni 70 000 dan oshdi

As nashri Madrid klubining moliyaviy hisobotiga tayanib xabar berishicha, 2024 yil iyulidan dekabrigacha "Real"ning umumiy daromadlari 589,8 million evroni tashkil etdi – bu o'tgan mavsumning shu davriga nisbatan 27,9% ko'pdir.  

"Real"ning "Santyago Bernabeu" stadionidan o'yin bo'lmagan kunlarda olingan daromadi mavsum boshidan buyon 43,9 million evroni tashkil qildi – bu summa 2023/24 yilgi mavsumdagi shu yo'nalishdagi umumiy daromadning 95% ni tashkil etadi. O'yin kunlaridagi daromad esa 149,6 million evroga etdi – o'tgan mavsumning shu davrida "Real" 94,5 million evro ishlab topgan edi. Shu bilan birga, "Real"ning barcha turnirlardagi 20 ta uy o'yinidan 19 tasida 70 mingdan ortiq tomoshabin ishtirok etdi.  

Mavsum boshidan beri "Real"ning marketingdan olingan daromadlari o'tgan mavsumga nisbatan 38,6% ga o'sib, 250,4 million evroga etdi. Shuningdek, klubning chakana savdo, homiylik va licenziyalashdan olingan daromadlari ham oshdi.  

Takidlanishicha, "Real" 2024/25 mavsumini rekord daromad bilan yakunlashi ehtimoldan xoli emas. Eslatib o'tamiz, 2023/24 mavsum yakunlariga ko'ra Madrid klubi dunyoda birinchi bo'lib 1 milliard evrodan ortiq daromad qayd etgan edi.