So’nggi yangiliklar

23:40Расман: "Қизилқум" "Насаф" собиқ легионерини трансфер қилди  0 23:29Лига 1. ПСЖ Ҳусановсиз қолган "Ланс" устидан иродали ғалабага эришди  1 23:10Бундеслига. "Бавария" ва "Вольфсбург" ўртасидаги ўйинда 5та гол урилди, "Лейпциг" камбэк сабаб ғалабани қўлдан чиқарди  1 22:39Ўртоқлик ўйини. "Динамо" Россия жамоаси билан дуранг ўйнади  1 22:22Ла Лига. Гризманн 90-дақиқада пенальтидан фойдалана олмади ва "Атлетико" "Леганес"га мағлуб бўлди, жамоа бунгача барча мусобақаларда 15та ўйинда ғалаба қозонганди  12 22:16АПЛ. "Ливерпуль" Нуньеснинг 90+1 ва 90+3 дақиқадаги голлари эвазига "Брентфорд"ни мағлуб этди  15 21:33"Арсенал" — "Астон Вилла". Таркиблар маълум  4 21:10"Ювентус" — "Милан". Таркиблар маълум  13 20:56Лига 1. "Ланс" ўз уйида ПСЖни қабул қилмоқда (онлайн ҳисоб)  8 20:26"Милан" ва Уокер шартнома бўйича келишувга эришди. "Ман Сити" у билан келишувни бекор қилмаслиги, балки харид қилиш ҳуқуқи билан ижарага юбориши мумкин  2 19:54"Андижон" черногориялик ҳимоячи билан шартнома имзолади  11 19:33АПЛ. Кетма-кет 9та ўйинда ғалаба қозонган "Ньюкасл" ўз уйида йирик мағлубиятга учради  11 19:28Ўзбекистон ўсмирлар терма жамоаси "Бунёдкор" U21ни мағлуб этди  0 19:09АПЛ. "Брентфорд" - "Ливерпуль" баҳси учун таркиблар маълум  4 18:362024 йилнинг энг яхши клуби номи эълон қилинди  33

"Real" "Barselona"ni "Kamp Nou"da er bilan bitta qilib, Qirol Kubogi finaliga chiqdi Yangiliklar

"Real" "Barselona"ni "Kamp Nou"da er bilan bitta qilib, Qirol Kubogi finaliga chiqdi

Benzema Ramazon oyida – butkul boshqa o'yinchiga aylanadi, bu safar Vinisius Arauxoni cho'ntagiga solib chiqib ketdi, Kamavinga esa qanotda Rafinyani "eb qo'ydi"

Qirol Kubogi doirasidagi "Klasiko"dan bir necha soat avval mashhur bloger Ibai Lyanos (aynan u Pike bilan "Kings League" nomli medialigaga asos solgan) bir tvit qoldirdi: 

"Real" "Barselona"ni "Kamp Nou"da taslim qiladi, Vinisius esa master-klass ko'rsatib beradi".

SHunchaki o'xshab qolgan taxmin? Bo'lishi mumkin, faqatgina bunda Madrid "Barselona"ga Xavi kelgach, "Klasiko"larda omadi chopmayotgani, Vinisius esa hech Ronald Arauxoga qarshi qanday o'ynasa, muvaffaqiyatga erishishini topolmayotgan bir vaziyatda edi.

Umuman olganda, Ibai haq bo'lib chiqdi. Biroq Xavining gaplari nishonga undan ham aniqroq etib bordi. O'yin oldidan murabbiy "Real" hali ham favoritligini, "Santyago Bernabeu"da qo'lga kiritilgan g'alaba va minimal ustunlik amalda hech nima emasligini aytib o'tgandi. 

Xavi bu vaziyatda shunchaki diplomatlik qilmagandi. Birinchidan, "Barselona" jarohatlangan Kristensen, Pedri, Frenki va Dembelesiz o'z o'yinini ko'rsatishi qiyinlashadi, ikkinchidan, "Real" pley-off bahslarida – Evropaning istalgan klubi uchun eng yomon raqib.

"Madrid" raqibni "o'ldirish" uchun kelgani, Karlo Anchelotti super hujumkor deb nomlagan asosiy tarkibdan ham bilinib turardi. Kamavinga – chap qanot fulbeki, Kroos – tayanch zonada, Rodrigo – vinger. To'pni olib qo'yish ishlariga amalda faqat Fede Valverde javob berardi. 

Kamavinga va yoki sport formasi tufayli zaxirada qoldirilgan Tchuameni yo'qligi sabab "Barselona" markazdan oldinga o'ta olardi, ammo Anchelottining rejasi bo'yicha "Real" himoyalanishi emas, juda ko'p hujum qilishi kerak edi. 

Bu narsa ikkinchi bo'limda ayniqsa sezildi. Darvoqe, negadir "Barselona" futbolchilari tanaffusdan keyin maydonga qaytishmadi. Levandovski Militao bilan to'qnashuvdan keyin butkul o'zini yo'qotib qo'ydi, Kamavinga esa kontaktga borishi ham kerak bo'lmadi. U Rafinyani butkul zararsizlantira oldi. "Barsa" futbolchisi to'pni ko'p bor qabul qilishiga qaramay, deyarli barchasida uni yo yana ortga, yoki markazdagilarga oshirib qutildi.

Tunda nafaqat gol urgan, golli uzatma berib, penalti ishlagan Vinisiusdan master-klass guvohi bo'ldik, balki "Oltin to'p"ga munosib bo'lgan Benzema qaytganini ko'rdik. Xet-trik qayd etgan Karim "Kamp Nou"da xet-trik qayd etgan "Madrid" tarixidagi ikkinchi futbolchi bo'ldi. Birinchi bo'lib bunday natijaga 1963 yilda Ferenc Pushkash muvaffaq bo'lgandi. 

Ramazon oyidagi Benzema – bu, nazarimda, futbol tarixidagi eng yaxshi futbolchilardan biri. Bir necha kun oralig'ida "Valyadolid" va"Barselona"ga oltita gol – zo'r natija. Va etiborli jihati, har ikki o'yinda ham u natijasini "poker"ga aylantirishi mumkin edi. 

Evrokuboklardagi omadsizliklarni "El Klasiko"lardagi muvaffaqiyat bilan yashirib kelayotgan Xavi esa 0:4 "Klasiko" uchun adolatli hisob emas deb hisoblashi mumkin. Biroq o'yin bo'yicha fikrlar subektiv bo'ladi deyilsa, raqamlardan gapiraylik. "Barselona" yarmidan ko'pi ortda qolgan La Ligada umumiy hisobda 9 ta gol o'tkazdi. Va "Real"ning bir o'zi barcha musobaqalarni inobatga olganda 9 ta gol urdi. Tasodifmi, menimcha yo'q. 

Reyting: +14   

Fikrlar

championat.asia
< so’nggi yangiliklarni ko’rish
Яндекс.Метрика