Ravshan Haydarov: Men hakamga qizil yoki sariq ber deganim yo'q

- Bugungi o'yin haqidagi fikrlaringiz.
- O'yin ikki azaliy raqib o'rtasida kechdi. Bu ikki jamoa o'rtasida o'tadigan o'yinlarda, futbolchilardan tashqari muhlislar ham raqobat qilishadi Ushbu jamoalar o'rtasidagi o'yinlar avvaldan “derbi” maqomiga yaqinroq bo'lib, katta qiziqishlarga sabab bo'lgan Biz bugungi o'yinga o'tgan turda Bekobodning “Metallurg” jamoasini mag'lubiyatga uchratib, ko'tarinki kayfiyatda tayyorgarlik ko'rdik va tashrif buyurdik.O'yin keskin-kurashlarga boy bo'ldi.Birinchi bo'limda ko'proq standart vaziyatlarga etibor qaratdik. Ikkinchi bo'limda esa yigitlar ko'proq xotirjamlikka berilib tashabbusni raqibga berib qo'yishdi.

- Birinchi bo'limda E.Oripovning maydondan chetlatilishi va oradan besh daqiqalar o'tib berilgan ogohlantirishni haqqoniy deb o'ylaysizmi?
- Javobim mana: kiring va Bobojonovni oyog'ini ko'ring. Agar men hakamlar haqida gapiradigan bo'lsam judayam ko'p shikoyatlarim bor, lekin bu narsalar mening vakolatimga kirmaydi, ularni nazorat qiladigan tegishli odamlar bor. Men hakamga qizil yoki sariq ber deganim yo'q.

- “Bunyodkor” bilan uchrashuvdan oldin ikki asosiy o'yinchilar jarohat olishdi. Bu futbolchilarning o'rni jamoada qanchalik muhim?
- to'g'ri. Bobojonov jamoamizning asosiy o'inchilaridan. Biroq bugungi jarohat olgan ikki futbolchimizning “Bunyodkor” bilan bo'ladigan uchrashuvga tayyor holga kelishlariga biron narsa deya olmayman.Bu bir-ikki kunda hal bo'ladi. Lekin ularning o'rnini bosadigan o'yinchilarni zahiramizdan topish qiyinroq.