Ravshan Bozorov: "Futbolchilar diqqat etiborni yo'qotishlari mag'lubiyatga sabab bo'ldi"

 - Bugungi uchrashuvning birinchi bo'limida “SHo'rtan” futbolchilari yaxshi o'yin ko'rsatishdi. Tanaffus paytida kerakli o'zgarishlar amalga oshirganimizdan keyin o'yinimizda o'zgarish kuzatildi. SHu sababli ikkinchi bo'limda yaxshiroq o'yin ko'rsatdik. Ammo, so'nggi daqiqalarda omadimiz chopmadi. Umuman olganda uchrashuv teng kurashlar ostida o'tgandi. Maydon egalarini qo'lga kiritilgan g'alaba bilan tabriklayman. Bahs oxirlarida g'alabani saqlab qolish uchun futbolchilarimizda diqqat etiborni bir joyga jamlay olishmagani etishmadi deb o'ylayman.

Yigitlar o'yin oxirlarida biroz charchab qolishadi. Bunday sharoitda vaziyatni munosib tarzda baholash qiyin kechadi. Yigitlar muddatidan oldin g'alabani qo'lga kiritdik deb xotirjamlikka berilishgani yo'q. Faqatgina diqqat etiborni yo'qotishlari mag'lubiyatga olib keldi. Bundan tashqari omad ham mezbonlarga kulib boqdi. Uchrashuvda biror-bir futbolchini alohida etirof etish mushkul. “SHo'rtan”ning barcha futbolchilari bahs qahramonlari bo'lishdi. Har qanday jamoa ham qo'shib berilgan daqiqalarda g'alabani ilib ketishni uddasidan chiqa olmaydi. G'uzorliklar esa buni amalda uddalashdi.