Rasmiy xabar: "Paxtakor" Yurica Bulyat bilan shartnoma imzoladi
10 jan 2017 15:11
Yangiliklar

Rasmiy xabar: "Paxtakor" Yurica Bulyat bilan shartnoma imzoladi

"Paxtakor" xorvatiyalik himoyachi Yurica Bulyatni tarkibiga qo'shib oldi.

31 yoshli himoyachi "sherlar" bilan yil oxirigacha mo'ljallangan shartnomaga imzo chekdi. U o'tgan yili oliy ligada "Bunyodkor" sharafini himoya qilgandi. Faoliyati mobaynida Bulyat Xorvatiyaning "Zadar" va "Xayduk", Isroilning "Makkabi", Germaniyaning "Energi" va Ukrainaning "Metallist" jamoalarida ham to'p tepgan. 2012 yilgi Evropa chempionati final bosqichida Xorvatiya terma jamoasi bilan ishtirok etgan.

Xorvatiyalik himoyachining klubimizdagi faoliyati omadli chiqishi va u "Paxtakor" bilan sovrinlarga ega chiqishiga umid qilamiz. "Paxtakor"ga xush kelibsan!

Yurica Bulyat
Tug'ilgan sanasi: 19.09.1986
Tug'ilgan joyi: Zadar, Xorvatiya
Ampluasi: himoyachi
Faoliyati:

2004-2005	"Zadar"	31 (4)
2005-2011	"Xayduk"	98 (2)
2011-2013	"Makkabi" (Isroil)	31 (0)
2013	“Zadar”	9 (1)
2013-2014	"Energi" (Germaniya)	24 (1)
2014-2015	"Zadar"	8 (2)
2015	“Metallist” (Ukraina)	10 (0)
2016	“Bunyodkor”	25 (0)