Rasman. “Yuventus” Bernardeskini 40 mln evroga sotib oldi

Futbolchining transfer summasi 40 mln evroga tushdi, deb xabar bermoqda “Keksa sinoralar” rasmiy sayti.

SHuningdek, “Fiorentina” keyingi xariddan ham 10 foiz ulush oladi. Yani, “Yuventus” Bernardeskini boshqa klubga sotsa, o'sha transfer summasining 10 foiziga egalik qiladi. Faqat bu ulush 5 mln evrodan oshmaydi.

Malumot uchun, Bernardeski “Yuventus” bilan 2022 yilgacha mo'ljallangan shartnomaga imzo chekdi. O'tgan mavsumda 23 yoshli hujumchi Italiya A Seriyasining 32 ta o'yinida maydonga tushib, 11 ta gol kiritgandi. Gollarning 3 tasini penaltidan urgan. To'rtta golga hammualliflik ham qilgan.