Rasman: Ikki nafar hakam Superliga o'yinlaridan chetlashtirildi
10 iyu 2018 10:33
Yangiliklar
![](https://championat.asia/upload/storage/442974_original.jpg)
![](/upload/storage/442974_220.jpg)
Rasman: Ikki nafar hakam Superliga o'yinlaridan chetlashtirildi
Bu haqda Hakamlar qo'mitasi xabar berdi.
"So'g'diyona" — "Metallurg" o'yinida ishlagan Aziz Asimov hamda "Qo'qon-1912" — "Lokomotiv" uchrashuvini boshqarib borgan Ilgiz Tantashev Superliga hamda Pro-Liga o'yinlariga qo'yilmaydi. Aniqlanishicha, ular bellashuvlar natijasiga bevosita tasir ko'rsatuvchi bir qancha xatolarga yo'l qo'ygan.
Har ikki o'yin nazoratchilari hakamlar harakatini past baholagan hamda o'yinlar videoyozuvini ko'rib chiqishni so'rab Hakamlar qo'mitasiga murojaat qilgan. Bugun — 10 iyul kuni qo'mitaning birinchi galdagi ishi mazkur ikki uchrashuvni tahlil qilish bo'ldi. Natijada Asimov hamda Tantashev nomalum muddatga safdan chiqarildi. Ayni vaqtda qo'mita Superliganing qolgan uchrashuvlarini ham o'rganib chiqmoqda.
Hakam va nazoratchilar uchun talablar oshirilgani, shuningdek, yosh hakamlar etishib chiqayotganidan kelib chiqib, bu borada raqobat o'sayotganini qayd etish mumkin. Endilikda o'z ustida ishlamayotgan yoki o'yinlarda jiddiy xatolarga yo'l qo'yayotgan hakamlarni almashtirish uchun imkoniyat mavjud. Faoliyatida tanaffus yuzaga kelayotgan hakamlar o'z ustida ishlashda davom etadi. Ular ishiga qaytishi uchun sinovlardan qayta o'tishiga to'g'ri keladi.
O’xshash yangiliklar
![AMP Logo](https://championat.asia/image/logo-amp.png)
Fikrlar