Rasman: Farruh Sayfiev - "Navbahor" futbolchisi!
30 jan 2024 19:25
Yangiliklar

Rasman: Farruh Sayfiev - "Navbahor" futbolchisi!

O'zbekiston terma jamoasi himoyachisi Farruh Sayfiev Namanganning "Navbahor" klubi bilan shartnoma imzoladi.

Bu haqida "Navbahor" PFK matbuot xizmati xabar berdi.

Sayfiev 1991 yil 17 yanvarda Samarqand shahrida tug'ilgan. Futbolchilik faoliyati davomida "Nasaf" (Qarshi, 2012-2017 yillar), "Paxtakor" (Toshkent, 2018-2023 yillar) jamoalari sharafini himoya qilgan.

O'tgan mavsumda "sherlar" tarkibida barcha musobaqalarda jami 31 ta o'yinda maydonga tushib, 2 ta gol urdi va 8 ta golga assistentlik qilgan.

Farruh Sayfiev 2014 yildan buyon O'zbekiston milliy terma jamoasi azosi hisoblanadi va ayni damda Osiyo Kubogida yurtimiz sharafini himoya qilmoqda.

"Biz Farruh Sayfievga "Navbahor"dagi faoliyatida omad yor bo'lib, chiroyli o'yinlari hamda gollari bilan "lochinlar"ning g'alabalariga munosib hissa qo'shishiga tilakdoshmiz", - deyiladi klub xabarida.

Havola :

Manba : championat.asia

Yangiliklarni Telegramda o'qing!

Reyting: +23