Rasman: Babayan - "Navbahor" maslahatchi-murabbiyi
10 iyu 2021 19:40
Yangiliklar
![](https://championat.asia/upload/storage/648031_original.jpg)
![](/upload/storage/648031_220.jpg)
Rasman: Babayan - "Navbahor" maslahatchi-murabbiyi
"Samvel Babayan 2001-2002 yillari O'zbekiston terma jamoasida menejer sifatida faoliyat olib bordi.
2002 yildan Toshkentning “Paxtakor” jamoasida vice-prezident sifatida ish boshlagan Samvel Vyacheslavovich mazkur lavozimda 2014 yilgacha faoliyat olib bordi. SHu davr mobaynida poytaxtliklar ichki musobaqalarda ko'plab sovrinlarni qo'lga kiritishdi. SHuningdek, OCHL turnirida ham muvaffaqiyatli ishtirok etishdi.
Samvel Babayan 2014-2015 yillarda “Paxtakor” bosh murabbiyi lavozimida faoliyat yuritdi va mazkur mavsumlarda toshkentliklar milliy chempionatimiz oltin medallarini qo'lga kiritishdi.
U 2015-2017 yillarda O'zbekiston milliy termasi, 2016 yilda esa parallel ravishda O'zbekiston olimpiya terma jamoasida bosh murabbiy bo'lib ishladi.
SHuningdek, mutaxassis Latviyaning “Spartak” (Yurmala), "Lokomotiv" (Toshkent"), Xitoyning "CHanchun Yatay" klublarida faoliyat yuritgan.
Samvel Babayan ikki marta O'zbekistonning eng yaxshi murabbiyi deb topilgan.
”Navbahor” chempionlikni qo'lga kiritgan 1996 yilda jamoa murabbiylar shtabida faoliyat yuritgan Samvel Babayan 2019 yilgi mavsumda “Lokomotiv” bosh murabbiyi sifatida Namanganga tashrif buyurgan va o'yindan keyingi matbuot anjumanida eng katta orzularidan biri xuddi 1996 yili bo'lganidek, “Navbahor”ni chempion qilish ekanligini takidlagandi. Samvel Vyacheslavovichning Namanganga bu safargi qadami ham qutlug' kelib, o'z orzusiga erishishi, “lochinlar”ning oldingi ananalarini qaytarishiga tilakdoshmiz", – deya xabar beradi “Navbahor” PFK matbuot xizmati.
O’xshash yangiliklar
![AMP Logo](https://championat.asia/image/logo-amp.png)
Fikrlar