Ramos: “Atletiko”ni dushman deb atash noto'g'ri”
12 jan 2020 07:16
Yangiliklar

Ramos: “Atletiko”ni dushman deb atash noto'g'ri”

Madridning “Real” klubi sardori Serxio Ramos Ispaniya Superkubogi finalida “Atletiko”ga qarshi bahs oldidan o'z fikrlari bilan o'rtoqlashdi.

“Atletiko”ni bizga dushman deb atash noto'g'ri bo'lardi. Men hech bir jamoani bizga dushman sifatida qaramayman. Ularni shunchaki bizning raqobatchilarimiz deyish mumkin. Ammo har kim o'zi istaganidek o'ylashga haqli. “Atletiko” – juda noqulay raqib. Ular so'nggi soniyalargacha g'alaba uchun kurash olib borishadi. Biz bu “jang”ga tayyormiz va so'nggi tomchi qonimiz qolgucha ushbu sovrinni qo'lga kiritish uchun kurashamiz”, deya Ramosning so'zlaridan iqtibos keltirmoqda Marca.

“Real” va “Atletiko” o'rtasida Ispaniya Superkubogi uchun kechadigan bahs bugun, 12 yanvar kuni Saudiya Arabistonidagi “Qirol Abdulla Sports Siti” stadionida bo'lib o'tadi. Uchrashuv Toshkent vaqti bilan soat 23:00 da boshlanadi.

Havola :

Manba : Marca

Yangiliklarni Telegramda o'qing!

Reyting: +24