Rafinya endi Londrinaning faxriy fuqarosi

Braziliyalik futbolchi Londrina shahrida tavallud topgan. Parana shtatida joylashgan ushbu shahar bilan Rafinyani ko'p narsalar bog'lab turadi. Futbolchi hozir ona shahrida istiqomat qilmasa-da, u Londrinada o'tkaziladigan ko'plab tadbirlarning faol ishtirokchisi sanaladi. Misol uchun, o'tgan yili Londrinada tashkil etilgan yosh futbolchilar festivalini moddiy tomondan, aynan, 28 yoshli futbolchi qo'llab-quvvatlagan edi. SHu jihatlarni hisobga olgan holda, bugun unga "Londrina shahri faxriy fuqarosi" unvoni berildi.
Eslatib o'tamiz, braziliyalik himoyachi yaqindagina "Bavariya" bilan shartnomasini 2017 yilga qadar uzaytrigan edi.