"Qizilqum" yangi futbolchilarni tanishtirdi
30 iyu 2019 11:22
Yangiliklar

"Qizilqum" yangi futbolchilarni tanishtirdi

Kecha Navoiy shaxridagi Yoshlar Ittifoqi viloyat kengashining majlislar zalida "Qizilqum" PFK tarkibiga yozgi tanaffus vaqtida yangi kelib qo'shilgan futbolchilarni tanishtirish- taqdimot marosimi bo'lib o'tdi.

Unda jamoa futbolchilari, fan klub azolari mehmonlar va OAV vositalari xodimlari ishtirok etishdi.

Marosim davomida klub matbuot xizmati vakillari tomonidan marosim ishtirokchilariga jamoa tarixiga atalgan video rolik taqdim etildi. Tadbirda Navoiy viloyati futbol associaciyasi birinchi vice-prezidenti Rahmonqul Boltaev, “Qizilqum” PFK prezidenti Isroil Rahmatov so'zga chiqishib, jamoaning ikkinchi davradagi uchrashuvlariga omad tiladi. So'ng tadbirning asosiy qismiga o'tilib xar bir futbolchi qatnashchilarga tanishtirildi. Jamoaga Gruziyadan ikki nafar, Rossiya va avstraliyalik futbolchilar taklif etildi. SHuningdek, navoiylik futbol muxlislariga yaxshi tanish bo'lgan Vohid SHodiev, Doston Ibragimov, Saidjamol Davlatjonov, Nodirxon Kamolov singari futbolchilari klub bilan shartnoma tuzishdi.

Taqdimot so'ngida jamoa murabbiyi va futbolchilar marosim ishtirokchilarini qiziqtirgan savollariga javob berishdi. Jamoa bosh murabbiyi Hamidjon Aktamov, gruziyalik legioner Lasha Totadze muxlislar muxlislarning savollariga javob qaytarishdi.

Ismi sharifi: Lasha Totadze (Lasha Totadze)
Tug'ilgan yili va joyi: 1988 yil 24 avgust, Axalcixe (Gruziya)
Poziciyasi: himoyachi
Raqami: 13.

Ismi sharifi: Stiven Lushtica (Lustica Stiven Peter)
Tug'ilgan yili va joyi: 1991 yil 12 aprel, Kanberra (Avstraliya)
Poziciyasi: yarim himoyachi
Raqami: 15.

Ismi sharifi: Mate Vatsadze (Mate Vatsadze)
Tug'ilgan yili va joyi: 1988 yil 17 dekabr, Tbilisi (Gruziya)
Poziciyasi: hujumchi
Raqami: 88.

Ismi sharifi: Ruslan Margiev
Tug'ilgan yili va joyi: 1995 yil 21 mart, Vladikavkaz (Rossiya)
Poziciyasi: hujumchi
Raqami: 77.

Ismi sharifi: Vohid SHodiev.
Tug'ilgan yili va joyi: 1986 yil 9 noyabr, Xatirchi tumani (Navoiy viloyati)
Poziciyasi: hujumchi
Raqami: 86.

Ismi sharifi: Doston Ibragimov.
Tug'ilgan yili va joyi: 1997 yil 23 yanvar, Navoiy shahri
Poziciyasi: yarim himoyachi
Raqami: 89.

Ismi sharifi: Saidjamol Davlatjonov
Tug'ilgan yili va joyi: 1997 yil 7 may, CHust (Namangan viloyati)
Poziciyasi: yarim himoyachi
Raqami: 78.