Qatarlik jurnalist: "Eron va Qatar terma jamoalari mundialga to'g'ridan-to'g'ri yo'llanmani qo'lga kiritishadi. Hozirgi kundagi Qatar tarkibi O'zbekistonnikidan kuchliroq"

"Turli xil terma jamoalar bir guruhdan joy oldi. Qiziqarli o'yinlar guvohi bo'lishimiz aniq. Har bir jamoa o'z uyida maksimal ochko to'plashga harakat qiladi. Eron, O'zbekiston va KXDR terma jamoalari Qatar uchun bosh og'riq vazifasini bajarib beradi. Ayniqsa safardagi o'yinlarda, lekin terma jamoamiz barchani raqiblarni mag'lub eta olishiga ishonaman. Qatar birinchi o'rinni egallashi ham mumkin. Osiyo kubogidagi g'alabadan so'ng kayfiyat yanada ko'tarilgan. Akrom Afif va bosh murabbiyimiz Markes Lopeslarning fikrlari bo'yicha jamoada barchasi alo darajada. Guruhda uchta asosiy raqib: Eron, O'zbekiston va BAA terma jamoalari deb o'ylayman, lekin eng murakkab raqib O'zbekiston. Osiyo kubogidagi asabiy o'yin barchaning yodida. Eron va Qatar jamoalari to'g'ridan-to'g'ri mundialga yo'llanmani qo'lga kiritsa kerak. Qatarning tarkibi O'zbekistondan kuchliroq va shu sababli Lopes jamoasi Jahon chempionatiga birinchilardan bo'lib yo'l oladi. O'zaro o'yinlardagi statistika esa O'zbekiston tomonida. Sizning terma jamoangiz biz uchun har doim noqulay raqib bo'lgan, ammo so'ngi uchrashuvda ushbu noxush ananaga chek qo'ydik. Faqatgina O'zbekistonga qarshi kechadigan safar uchrashuvi meni xavotirga solmoqda" - deya fikr bildirdi qatarlik taniqli sport jurnalisti Ali Salat

Abdulvosit Bektemirov suhbatlashdi