Qarshida hisob ochilmadi: "Nasaf" - "Metallurg" 0:0

O'yin boshlangach uchrashuv natijasi va asosiy vaziyatlarini shu erda kuzatib borish mumkin bo'ldi.

Uchrashuv boshlandi. 3-daqiqada o'ng qanotdan raqib jarima maydonchasiga uzatilgan to'pni Sayfiev boshi bilan darvozaga yo'lladi. Noaniq.

5-daqiqada "Nasaf"ning ajoyib hujumi. Allaniyazov-Sayfiev-Gevorkyan kombinaciyasidan keyin Arturning boshi bilan bergan zarbasi biroz noaniq.

9-daqiqada "Metallurg" futbolchilari o'z jarima maydonchalari yaqinida Allaniyazovga nisbatan o'yin qoidasini buzishdi. Artur Gevorkyan tomonidan yo'llangan jarima zarbasi "jonli devor"ga tegib, qaytdi.

17-daqiqa. SHuhrat Muhammadievning o'ng qanotdan uzatib bergan to'pini Allaniyazov boshi bilan darvoza tomon yo'llashga urindi. Noaniq.

21-daqiqa. Hikmat Hoshimov tomonidan chamasi 25 metrlar uzoqlikdan amalga oshirilgan jarima zarbasi noaniq chiqdi.

24-daqiqa. Gevorkyan-Allaniyazov-Sayfiev kombinaciyasi Farruhning o'ziga xos zarbasi bilan yakunlandi. Ammo to'p darvoza ustuni oldidan o'tib ketdi.

26-daqiqa. "Metallurg"ning tezkor qarshi hujumi. SHuhrat Yuldashevning chamasi 17 metrlardan erlatib yo'llagan kuchli zarbasini Suyunov egalladi.

35-daqiqa. "Metallurg"ning havfli hujumi. Alisher Ziyaviddinovning yaqin masofadan bergan zarbasi u qadar kuchli chiqmadi va Suyunovda to'p.

36-daqiqa. "Metallurg"ning navbatdagi hujumi. Murodjon Toshmatovning uzoq burchakka yo'llagan kuchli zarbasini Suyunov egalladi.

Birinchi bo'limda hisob ochilmadi.

Ikkinchi bo'lim boshlandi. 

49-daqiqa. "Nasaf"ning hujumi.Sayfiev uzatib bergan to'pni Gevorkyan to'xtatmasdan zarba berishga urindi. Himoyachi to'p yo'nalishini o'zgartirdi.

50-daqiqa. Gevorkyan tomonidan 24 metrlardan amalga oshirilgan jarima zarbasidan so'ng to'p darvoza to'riga tashqi tomondan borib tegdi.

52-daqiqa. Kenja To'raevning 20 metrlardan yo'llagan kuchli va aniq zarbasin Mamur Ikromov mahorat bilan egallab oldi.

61-daqiqa. Murodjon Toshmatov tomonidan yaqin masofadan yo'llangan zarbani Eldorbek Suyunov egallab oldi.

62-daqiqa. Ilhom Yunusovning chamasi 22 metrlardan yo'llagan kuchli va aniq zarbasini Mamur Ikromov qiyinchilik bilan bartaraf etdi.

79-daqiqa. Ilhom Yunusov o'ziga xos tarzda uch himoyachini aldab o'tib jarima maydoniga kirib bordi. Ikromov darvozasini muqarrar goldan asradi ...

85-daqiqa. O'ng qanotdan havolatib uzatib berilgan to'pni Gevorkyan to'xtatmasdan darvozaga yo'lladi. To'p darvoza ustuni oldidan o'tib ketdi.

Uchrashuvning asosiy vaqtiga 6 daqiqa qo'shib berildi...

90+2-daqiqa. CHap qanotdan uzatilgan to'pni HAmza Karimov boshi bilan darvozaga yo'lladi. Mamur Ikromov ikkinchi urinishda to'pni darvoza chizig'ida egalladi.

O'yinda hisob ochilmadi.

O'zPFL, 6-tur. 27.04.2014.
"Nasaf" - "Metallurg" 0:0
Qarshi. Markaziy stadioni.
Hakamlar: Zokir Qodirov, Anvar Marajabov, Akbar Po'latov, Nodir Boltaev.
Nazoratchi: R. Serazitdinov.

Nasaf: 25. Eldorbek Suyunov, 4. Maqsud Karimov, 5. Botir Qoraev, 10. Kenja To'raev (29. Ulug'bek Dadaboev, 77), 17. Artur Gevorkyan (s), 20. Erkin Boydullaev (32. Hamza Karimov, 79), 23. SHerzod Azamov, 27. Ilhom Yunusov, 28. SHuhrat Muhammadiev, 34. Farruh Sayfiev (7. Akramjon Bahritdinov, 68), 41. Azamat Allaniyazov.

Zaxiradagilar: 1. Mixail Naumov, 14. Laziz Ubaydullaev, 16. Alisher Yusupov, 38. Doniyor Narzullaev.

Metallurg: 1. Mamur Ikromov, 4. Hikmat Hoshimov (s), 6. Dilmurod Karimov, 7. Doniyor Odilov (20. Mirg'iyos Sulaymonov, 60), 8. Sunatilla Mamadaliev, 9. SHahzodbek Nurmatov, 11. SHuhrat Yo'ldoshev (21. Sardor Rasulov, 46), 18. Aleksandr Kovalev, 14. Davronbek Karimqulov, 15. Alisher Ziyaviddinov, 22. Murodjon Toshmatov.

Zaxiradagilar: 32. Suhrobjon Sultonov, 3. Saidkomil Akbarov, 10. SHohnazar Norbekov, 23. Mirto'ra Akbarov, 77. Sardorbek Soyibov.

Ogohlantirishlar: Dilmurod Karimov 38, Akramjon Bahritdinov 86

#	Jamoa	O'	YU	D	M	UG - O'G	T-N	O
1	Paxtakor	6	6	0	0	8 - 2	6	18
2	Bunyodkor	5	3	2	0	8 - 3	5	11
3	Lokomotiv	5	3	2	0	7 - 3	4	11
4	Nasaf	6	3	2	1	7 - 3	4	11
5	Olmaliq	6	3	2	1	9 - 6	3	11
6	Navbahor	6	3	1	2	8 - 6	2	10
7	Dinamo	6	3	0	3	9 - 8	1	9
8	Buxoro	5	3	0	2	4 - 6	-2	9
9	Mashal	6	1	3	2	2 - 4	-2	6
10	Qizilqum	6	1	2	3	2 - 4	-2	5
11	Metallurg	6	1	1	4	5 - 8	-3	4
12	Neftchi	6	0	3	3	3 - 6	-3	3
13	Andijon	5	0	1	4	2 - 6	-4	1
14	So'g'diyona	6	0	1	5	7 - 16	-9	1