So’nggi yangiliklar

15:30Про лига. "Олимпик-MobiUz" – "Машъал" 0:0 (онлайн ҳисоб)  1 15:10ПСЖнинг 2 нафар футболчиси сафга қайтди  0 14:08Шенсни "Юве"да қолиши учун маоши камайишига рози бўлиши керак  0 13:40Гризманн қайтди  1 13:21Дилмурод Назаров хотирасига бағишланган "Наврўз Кубоги-2024" мусобақаси қандай ўтди?  2 13:09"Бавария" "Штутгарт" вингерига кўз тикди  0 12:46"Манчестер Юнайтед" Каземирога ўринбосар топди  2 12:20Эшитдик-да! ФИФА "Бунёдкор"га илк санкцияни қўллади  20 11:48Клоппнинг ассистенти "Аякс" бош мураббийига айланиши мумкин  1 11:24Ўзбекистон – Гонконг учрашувида майдонга югуриб тушган мухлислар маъмурий жавобгарликка тортилди, 2 нафар шахс 5 суткага қамалди  22 10:57Пеп Гвардиола «Манчестер Сити»даги келажаги борасида бир қарорга келди  6 10:28«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи  1 10:00ЦСКА устози РПЛнинг энг кучли футболчиси кимлигини айтди  8 09:3410 ойга четлатилган Тонали яна узоқ муддатга дисквалификация қилиниши мумкин  3 09:10«РБ Лейпциг» грандлар қизиқаётган футболчига нарх қўйди  1

Pro ligada dastlabki bosqich yakunlandi. Oldinda bizni qaynoq noyabr kutmoqda Yangiliklar

Pro ligada dastlabki bosqich yakunlandi. Oldinda bizni qaynoq noyabr kutmoqda

SHiddatli va murosasiz kechayotgan Pro liga bahslarining dastlabki bosqichi o'z yakuniga etdi.

Tan olaylik joriy yilgi chempionat saviya va daraja bobida avvalgilaridan tubdan farq qilmoqda. O'yinlarning jonli efirda translyaciya qilinishi esa muxlislarda qiziqishni yanada oshirgani aniq. Jamoalar esa shunga yarasha maydonda haqiqiy kurash olib borishmoqda. Bu yil Pro ligada o'tkinchi o'yinlarning yo'qligi, birgina qo'lga kiritilgan yoki yo'qotilgan ochko esa jamoalarning turnir jadvalidagi o'rniga tasir qilishni birgalikda kuzatib bordik. Endilikda esa bu borada biroz xulosalarni chiqarsak, jamoalarning ishtirokiga munosabat bildirsak maqsadga muvofiq bo'lardi. Demak, dastlab Superliga yo'llanmasi uchun kurashadigan birinchi to'rtlik jamoalariga nazar tashlaymiz.

"Neftchi" - Superligaga qaytishga harakat qilayotgan "Neftchi" jamoasi 28 ochko jamg'argan holda birinchi o'rin bilan kuchli to'rtlikdan o'rin oldi va Superligaga yo'llanma olish uchun kurashni davom ettiradi. Pro liga ishtirokchilari orasida jamoa eng yaxshi tarkibga ega desak mubolag'a bo'lmaydi. Mansur Saidov, Otabek Zokirov, Pavel Smolyachenko kabi mahoratli ijrochilar aksariyat uchrashuvlarda o'yin taqdirini hal qilishga erishdi. SHuningdek Eldor Ergashev, Anvarjon Hojimirzaev, Rustam Abduhamidov kabi yosh futbolchilar ham ko'p narsalarga qodir ekanligini ko'rsata olishdi. Jamoaning qayd etayotgan natijalari muxlislarda Superligaga qaytishga bo'lgan ishonchni oshirmoqda deyishimiz mumkin. Umumiy qilib aytganda "Neftchi"ning muvaffaqiyatlarini tarkibdagi saviyali va mahoratli futbolchilarning yig'ilgani bilan bog'lashimiz o'rinli bo'ladi. 

"SHo'rtan" - 26 ochko bilan ikkinchi o'rinni egallagan "SHo'rtan"da esa buning aksini ko'rishimiz mumkin. Kamtarin tarkibga ega, asosan mahalliy yoshlarga tayanayotgan g'uzorliklarning yutuqlarida Asror Aliqulovning hissasi katta bo'lmoqda. Tarkibda kuchli ijrochilar kam, jamoa transfer taqiqi sabab kerakli haridlarni ham amalga oshira olmadi. SHunga qaramasdan Aliqulov yosh futbolchilar bilan har bir raqibga etarlicha muammo tug'dirib ochko ishlashga harakat qilmoqda. Qaysidir manoda Asror Aliqulov kam masalliqdan mazali taom tayyorlashni uddasidan chiqa olyapti. Maydon chetidagi muammolar jamoaning o'yiniga va natijalariga salbiy tasir ko'rsatayotgani yo'q. O'tgan mavsumda "Mashal"ni Superliga sari etaklagan mutaxassis bu vazifani yana bir bor bajarishga urinib ko'radi. Ammo, xorijlik murabbiy Igor Kriushenko bilan bog'liq muammo jamoaga Superligaga chiqish yo'lida katta to'siq bo'lmasa bo'lgani. 

"Turon" - Pro ligada debyutant hisoblangan "Turon" yosh jamoa bo'lishiga qaramay o'z oldiga yuqori maqsadlarni qo'ymoqda. Yaypanliklarning o'yinlarini kuzata turib jamoa o'z uslubiga va falsafasiga ega bo'lib borayotganini ko'ramiz. Barcha uchrashuvlarda birinchi raqam ostida harakat qilayotgan, hujumkorlikka etibor berayotgan Islom Ismoilov shogirdlari turnir jadvalida "SHo'rtan"dan bir ochko ortda qolgan holda uchinchi o'rinni egallashdi. Tarkibda mahalliy iqtidorlarga imkoniyat berilmoqda, shuningdek Superliga havosini ko'rgan Javohir Sohibov, Doniyor Ismoilov, SHukurali Po'latov kabi tajribali futbolchilar jamoa o'yinini tashkil qilishda asosiy figurulardan biri bo'ldi. Doniyor Ismoilov oldingi chiziqda bir nechta gollar urdi. Sohibov esa maydon markazida hujumni boshlovchi va raqib hujumlarini buzuvchi qora ishchi vazifasini alo darajada uddaladi. Faqatgina jamoa aksariyat o'yinlarda oxirgi daqiqalarda bo'shashishi hisobiga keraksiz gollarni o'tkazib yuborayotgani ochkolarni qo'ldan boy berishga sabab bo'lmoqda. "Turon" nimaning evaziga elitaga chiqishi mumkin? Hujumkor futbol va kuchli ishtiyoq evaziga. Bu mening shaxsiy fikrim.

"Dinamo" - Bu jamoaning kuchli to'rtlikdan muqim o'rin egallashi 14-turdan so'nggina aniq bo'ldi. "Istiqlol" bilan teng ochko jamg'argan dinamochilar to'plar nisbatiga ko'ra to'rtinchi o'rinni egalladi. Mavsum boshida jamoa Tachmurod Agamurodov murabbiyligida tayyorgarlik ko'rdi, turkmanistonlik mutaxassis "Qizilqum"ga yo'l olgach ikkita o'yinda jamoani Ravshan Ahmedov boshqardi. Yakunda rahbariyat yoshlar bilan ishlash bo'yicha etakchi mutaxassis Sergey Lushchanni taklif qildi. Natijada tarkib kuchaytirildi, bir qator tajribali futbolchilar jalb qilindi. Mahalliy yoshlardan unumli foydalanishni joyiga qo'ydi. SHarofiddin SHobirov, Muhammadqodir Hamraliev, Bekzod Ahmadjonov kabi yoshlar o'yinlarda o'zlaridan ijobiy taassurot qoldirdi. Hamralievning "Istiqlol" darvozasiga so'nggi soniyalarda kiritgan to'pi qimmatli uch ochkoni olib berdi. Oldingi chiziqda Suhrob Nurulloev hamda Oybek Nurmatovlarning harakatlari foydali bo'ldi. "Dinamo" oxirigacha Superligaga chiqish uchun kurashadi. Bunda Lushchanning tajribasi asqotishi mumkin. 

Yuqori to'rtlikka kirgan jamoalar ichida hech biri kuchsiz emas. Endilikda Superliga chiptasi uchun kurash yanada qizg'in tus oladi, noyabr esa bizga ana shunday shiddatni tuhfa etishi shubhasiz. Keyingi maqolalarimda esa quyi to'rtlik jamoalariga to'xtalib o'taman. Bizni kuzatishda davom eting.

Abdulaziz Iskandarov tayyorladi

Reyting: +6   

Fikrlar

championat.asia
< so’nggi yangiliklarni ko’rish
Яндекс.Метрика