PREVYU+TAHLIL. Gigantlar jangida kim g'olib chiqadi? Jadvaldagi quvlashmachoq yoxud Qosimov Babayanga qarshi

Tarkib, murabbiylar, nomlar tomonlama haqiqatdan ham turning kulminacion nuqtasini belgilab beradigan bahs. Sezdingizki, gap OKMK - "Navbahor" uchrashuvi haqida bormoqda. Yuqoridagi fikrlar to'laligicha bu jamoalarning to'qnashuviga mos kelishi aniq. 

OKMK Ruben Sanchez - 75'

Superliga. 5-tur 09/04/2023, 18:05 1 : 2 Tugadi

Navbahor Jamshid Iskanderov - 57', SHahboz Jo'rabekov - 63'

45'

90'

41'  Akrom Komilov

65'  Akrom Komilov (Irakli Ruxadze)

65'  Martin Boake (Ruben Sanchez)

75'  Ruben Sanchez

82'  Sanjar Tursunov (Oybek Rustamov)

89'  Irakli Ruxadze

90'  Dilshod Ahmadaliev (Eldor Begimov)

90'  Siyavash Haqnazariy (Mirzhahon Mirahmadov)

47'  Jamshid Boltaboev

57'  Jamshid Iskanderov

63'  SHahboz Jo'rabekov

73'  Temurxo’ja Abduxoliqov (Shohruz Norxonov)

78'  SHahboz Jo'rabekov (Asadbek Sobirzhonov)

84'  Abror Ismoilov (Farrux Ikromov)

Match-senterda ochish

O'zaro o'yinlar

Jamoalar shu kungacha ichki chempionat doirasida 30 marotaba uchrashishga ulgurishdi. Bu erda kichik ustunlik OKMK tomonida 12 g'alaba. "Navbahor" 30ta bahsning 9tasida uch ochkoni raqibidan tortib olgan. Yana 9ta bellashuvda tomonlar bir ochkodan bo'lishib olishga qaror qilishgan. Bugun garchi o'yin Toshkentda o'tadigan bo'lsada, mezbon OKMK hisoblanadi. Bu borada so'nggi 5ta o'yinda qisman omad "lochinlar" tomonida (2ta durang, 2 g'alaba). Olmaliqliklar mezbon sifatida faqat 1ta uchrashuvdagina kiyinish xonasini bayramga aylantirgan (2021 yil). Bu esa hozircha OKMKning "Navbahor" ustidan qozongan so'nggi g'alabasi bo'lib turibdi. 

Qosimov Babayanni hali mag'lub etmagan 

Mirjalol Qosimov murabbiy sifatida Samvel Babayan ishlagan jamoalarga qarshi 3 bor ro'baro' kelgan. Qiziq holat shuki, ularning barchasida "Navbahor" ustozi kamida 1 ochko olishga erishgan. 

31.10.2019 OKMK - "Lokomotiv" 1:1

01.07.2022. OKMK - "Navbahor" 1:2

12.11.2022. "Navbahor" - OKMK 3:1 

Turnir jadvalidagi quvlashmachoq

Ayni paytda ikki jamoa Superliga turnir jadvalida yonma-yon ketmoqda. Bugungi uchrashuvdagi g'alaba OKMKni (7 ochko) uchinchi o'ringa olib chiqsa, "Navbahor"ni (9 ochko) sovrindorlar qatoridan vaqtinchalik uzoqlashtiradi. Ularning ortidan esa "Surxon" (7 ochko) va "Nasaf" (7 ochko) quvib kelmoqda. Ular narigi qarama-qarshilikning birining ochko yo'qotishiga umid qilgan holda ijobiy natijaga harakat qilishlari tabiiy. Ko'rinib turibdiki bugungi o'yinning ahamiyati nafaqat o'zlari, balki pastdagi raqiblari uchun ham ahamiyatli. Vaziyatdan kim foydalanib qoladi? 

"Navbahor"da sermahsullik nimaning hisobiga?

Darhaqiqat, Samvel Babayan chempionlik uchun bu yil o'z falsafasi va o'yin principlaridan voz kechmoqda. Deylik "Navbahor" o'tgan yillarda Babayan boshqaruvida asosan bitta gol yoki 1:0, 2:1, 1:1 kabi kichik hisoblarda natijani qo'lga kiritayotgandi. Bu yil nisbatan hujumkorlikka katta urg'u qaratyapti, oldingi chiziq vakillari asosiy planga chiqmoqda.  Jamoa hozirgacha 4ta turning 3tasida 3:0 hisobida g'alaba qozondi va 9 ochko jamg'ardi. O'tgan mavsumda faqat bitta o'yindagina raqib darvozasiga 3ta to'p kiritgan edi (OKMK 3:1). Ammo bu erda raqiblarning darajasini ham hisobga olish zarur. "Metallurg", "So'g'diyona", "Qizilqum" bu yil yaxshigina kuchsizlandi. Samvel Babayan kuchli raqiblardan faqat "Paxtakor" bilan o'ynadi (1:2). Bugungi bahs "lochinlar"ning haqiqiy kuchini yana bir bor sinovdan o'tkazadi.

OKMKda katta burilish ko'rayotganimiz yo'q. Mirjalol Qosimov qo'l ostidagi yigitlar tajriba va mahorat bobida "Navbahor"dan aslo qolishmaydi. Sanjar Tursunov, Anzur Ismoilov, SHohruh Gadoev, Xurshid G'iyosov, Siyavash Haqnazariy asosiy figuralar ekanligini bilasiz. Biroq qishki transferlar oynasida kelib qo'shilgan legionerlar hali tarkibga to'liq kirishib keta olmayotgandek. Tunislik Muhammad Salem hozircha raqobatda yutqazmoqda. Ruben Sanches "G'ijduvon" bilan o'yinga kelibgina gollari hisobini ochdi. Bu muhim uchrashuv oldidan o'ziga nisbatan ishonchni oshirgan bo'lsa ajab emas. Ruhadze ham bir marotaba raqib darvozasini ishg'ol qildi. Davra oxiriga kelib yana to'liq xulosa qilish mumkin. Oldindan aniq aytaman bugun hujumkor va chiroyli futbol ko'rishingiz yuz foiz kafolatlangan. Yani ochiq o'yin namoyish qilishga ikki jamoaning imkoniyati bemalol etadi. Himoyaga yotib natija qiladigan darajada biri ikkinchisidan kuchsiz emas.