Prevyu. "Qizilqum" - "Nasaf"

QIZILQUM – NASAF
6 iyun. Navoiy. "Yoshlik" sport majmuasi. 19:00
Hakamlar: V.Kovalenko, R.Ilyasov, M.Saidqosimov, I.Ibragimov.
Nazoratchi: S.Najafaliev.

“Qizilqum” hamda “Nasaf” hamda klublari oliy ligada shu kungacha 28 bor kuch sinashishgan. “Ajdarlar” 17ta o'yinda g'alaba qozonishgan. 6ta uchrashuvda “Qizilqum”ning qo'li baland kelgan. Bu jamoalar o'rtasidagi o'yinlarda 5 marta durang qayd etilgan. To'plar nisbatida ustunlik “Nasaf” tomonida: 52:31. “Ajdarlar” o'zaro o'yinlarda 56 ochkoga ega bo'lishgan, “Qizilqum” esa 23 ochkoni qo'lga kiritgan. “Nasaf”ning “Qizilqum” ustidan qozongan eng yirik g'alabasi 7:1ga teng bo'lsa, “Qizilqum”ning qarshiliklar ustidan erishgan eng yirik g'alabasi – 3:1.

O'tgan mavsum har ikkala bahsda ham “ajdarlar” g'alaba qozonishgan. Qarshida “Qizilqum” raqibga etarlicha qarshilik ko'rsata olmagan. Artur Gevorkyan (3ta), Zohid Abdullaev, Ilhom SHomurodov, Azamat Allaniyazov, Erkin Boydullaevning gollariga “Qizilqum” faqat Andrey Vlasichevning penaltidan urgan goli bilan javob berishgan – 7:1. Navoiydagi bahsda bitta gol urilgan. Ikkinchi bo'limda Maqsud Karimov mezbonlarni xafa qilgan – 0:1.  

“Qizilqum” maydonida bo'lib o'tgan so'nggi besh uchrashuv:
10.08.2013 Qizilqum - Nasaf 0:1
21.09.2012 Qizilqum - Nasaf 1:1
10.03.2011 Qizilqum - Nasaf 0:1
16.10.2010 Qizilqum - Nasaf 1:2
12.09.2009 Qizilqum - Nasaf 2:3

O'zaro o'yinlar haqida fakt: Bu jamoalar o'rtasidagi “Qizilqum” uyida kechgan bahslarda mezbonlar 5 marta g'alaba qozonishgan. Uchta o'yinda durang qayd etilgan. “Ajdarlar” esa safardan 6 bor uch ochko bilan qaytishgan. “Qizilqum” o'z maydonida o'tgan oxirgi beshta o'yinda g'alaba qozona olmagan.