Prevyu. "Paxtakor" - "Metallurg"

PAXTAKOR – METALLURG
6 iyun. Toshkent. "Paxtakor" stadioni. 19:30.
Hakamlar: O.Tolibjonov, J.Saidov, B.Norsafarov, A.Jo'raxonov.
Nazoratchi: G'.Karimov.

“Paxtakor” hamda “Metallurg” oliy ligada 32 bora to'qnash kelishgan. SHulardan 25tasida poytaxtliklar g'olib bo'lishgan, 3ta o'yinda “Metallurg” g'alabani tantana qilgan. O'zaro o'yinlarda 4 marta durang natijasi qayd etilgan. To'plar nisbati “Paxtakor” foydasiga 87:22 ni tashkil qilmoqda. O'zaro o'inlarda “sherlar” 79 ochkoni, “Metallurg” esa 13 ochkoni qo'lga kiritgan.

“Paxtakor”ning “Metallurg” ustidan qozongan yirik g'alabasi – 6:0. “Metallurg”ning o'zaro o'yinlarda “sherlar” ustidan qozongan eng yirik g'alabasi 3:1ga teng.

2013 yil Bekobodda “Metallurg” zafar quchgan. Dilmurod Karimov hamda Ruslan Vagapovning “sherlar” darvozasiga gol urishgan – 2:0. Toshkentda esa muxlislar gollar yomg'irining guvohiga aylanishgan. Mezbonlardan SHerzod Karimov, Dilshod SHarofetdinov, Davron Hoshimov, Oybek Qilichev (ikkita), mehmonlardan Dilmurod Karimov va Ruslan Vagapov to'p kiritishgan – 5:2.  

Toshkentda bo'lib o'tgan so'nggi besh uchrashuv:
23.10.2013 Paxtakor - Metallurg 5:2
01.07.2012 Paxtakor - Metallurg 5:0
25.08.2011 Paxtakor - Metallurg 0:0
17.05.2010 Paxtakor - Metallurg 2:0
17.04.2009 Paxtakor - Metallurg 1:0

O'zaro o'yinlar haqida fakt: “Metallurg” safarda bu raqibni umuman mag'lub eta olmagan. Toshkentda bo'lib o'tgan 16ta o'yinning 14tasida “sherlar” zafar quchishgan. Faqat ikki bor (1999 va 2011 yillar) “Metallurg” “Paxtakor” maydonidan durang bilan qaytgan. “SHerlar” o'z uyilaridagi oxirgi ikki o'yinda bu jamoa darvozasiga beshtadan gol urishgan.