Prevyu. "Olmaliq" - "Nasaf"

Olmaliq (Olmaliq) – Nasaf (Qarshi)
22 iyun. Olmaliq. “OKMK” stadioni. 19:00
Hakamlar: I. Tantashev (Buxoro), B. Qodirov (Buxoro), A. Qo'ldoshev (Buxoro), I. Garmashov (Toshkent)
Nazoratchi: R. Aytekov (Toshkent).

“Olmaliq” va “Nasaf” oliy ligada jami 12 bora to'qnash kelishgan. Natijalar “Nasaf”ning ustunligini ko'rsatmoqda. Qarshiliklar 7ta o'yinda g'olib bo'lishgan. 5ta o'yinda durang qayd etilgan. “Olmaliq” shu kungacha “Nasaf”ni mag'lub eta olmagan. To'plar nisbatida ham “Nasaf” oldinda - 21:9. O'zaro o'yinlarda “ajdarlar” 26 ochkoni, “Olmaliq” esa 5 ochkoni  qo'lga kiritgan.

“Nasaf”ning o'zaro o'yinlarda qozongan eng yirik g'alabasi – 4:0 ga teng. “Olmaliq”da g'alaba yo'qligi haqida aytib o'tdik.

O'tgan yil har ikkala bahsda 2:2 hisobi qayd etilgandi. Birinchi turda Qarshida bo'lib o'tgan o'yinda dastlab olmaliqliklar Zafar Polvonov va SHaxboz Erkinovning gollari evaziga oldinga chiqib olishgan, uchrashuv so'nggida Ilhom SHomurodov va Botir Qoraevning kiritgan to'plari “ajdarlar”ni mag'lubiyatdan qutqarib qolgandi – 2:2. So'nggi turda Olmaliqdagi uchrashuvda Zafar Polvonov va Artur Gevorkyan ikki martadan to'p kiritishgan – 2:2.

Olmaliqda bo'lib o'tgan so'nggi besh uchrashuv:
08.11.2013 Olmaliq - Nasaf 2:2
03.08.2012 Olmaliq - Nasaf 0:1
22.10.2011 Olmaliq - Nasaf 0:0
16.05.2010 Olmaliq - Nasaf 0:0
29.06.2009 Olmaliq - Nasaf 0:2

O'zaro o'yinlar haqida fakt: Olmaliqda bo'lib o'tgan olti o'yindan to'rttasida durang qayd etilgan. Ikki uchrashuvda “Nasaf” g'alaba qozongan.