Prevyu. "Olmaliq" - "Buxoro"

OLMALIQ – BUXORO
6 iyun. Olmaliq. "Olmaliq" stadioni. 18:30
Hakamlar: H.Ro'ziev, R.SHoyahmetov, F.Hasanov, R.Kopadze.
Nazoratchi: A.Abdullaev.

“Buxoro” va “Olmaliq” oliy ligada 10 marta o'zaro o'ynashgan. Natijalar “Olmaliq”ning ustunligini ko'rsatmoqda. “Olmaliq” 6ta o'yinda g'olib bo'lgan, “Buxoro” 3 marta bu raqibni mag'lub etgan. 1ta o'yinda durang qayd etilgan. To'plar nisbatida ustunlik “Olmaliq” tomonida - 21:10. O'zaro o'yinlarda “Buxoro” 10 ochkoga ega bo'lgan bo'lsa, “Olmaliq” 19 ochkoni qo'lga kiritgan.

“Buxoro”ning o'zaro o'yinlarda qozongan eng yirik g'alabasi – 3:1ga teng. “Olmaliq”ning eng yirik g'alabasi esa 6:1.

Bir yil oldin har ikkala jamoa o'z uyida g'alaba qozongan. Buxorodagi bahs taqdirini bu yil “Bunyodkor”da o'ynayotgan Vohid SHodievning goli hal qilgan – 1:0. Olmaliqdagi o'yinda 5ta gol urilgan. Mezbonlar safida Dilyaver Abibullaev, Darko Stanoevich va Zafar Polvonov o'zini ko'rsatgan, buxoroliklardan Vohid SHodiev ikkita gol urgan – 3:2.

Olmaliqda bo'lib o'tgan so'nggi to'rt uchrashuv:
05.10.2013 Olmaliq - Buxoro 3:2
26.08.2012 Olmaliq - Buxoro 1:3
01.10.2011 Olmaliq - Buxoro 6:1
23.08.2009 Olmaliq - Buxoro 5:0
03.05.2008 Olmaliq - Buxoro 0:0

O'zaro o'yinlar haqida fakt: “Olmaliq” o'z maydonida bo'lib o'tgan 5ta o'yinning faqat 1tasida mag'lub bo'lgan. Bir marta durang o'ynagan va uch bor “Buxoro”ni taslim qilgan.