Prevyu. "Navbahor" - "So'g'diyona"

NAVBAHOR – SO'G'DIYONA
26 aprel. Kosonsoy. "Kosonsoy" stadioni. 16:00
Hakamlar: R.Bobomurodov, O.Jumaev, R.Samandarov, A.Rahimov
Nazoratchi: V.Valickiy.

“Navbahor” hamda “So'g'diyona” klublari oliy ligada shu kungacha 36 bor kuch sinashishgan. 19ta o'yinda “Navbahor”, 12ta o'yinda esa “So'g'diyona” g'alaba qozongan. 5ta o'yinda durang natija qayd etilgan. “Navbahor” o'zaro o'yinlarda 64 bor raqib darvozasiga yo'l topa olgan. “So'g'diyona” esa 39  bor gol kirita olgan. “Navbahor” o'zaro o'yinlarda 62 ochkoni qo'lga kiritgan bo'lsa, jizzaxliklar hisobida 41 ochko mavjud. “So'g'diyona”ning “Navbahor” ustidan qozongan eng yirik g'alabasi – 3:1. Namanganliklarning eng yirik g'alabasi esa 7:0.

O'tgan mavsumda ikkala jamoa o'z uyida uch ochko olgan. “So'g'diyona” maydonida Renat Bayramov va Sardor Qahhorov tomonida urilgan gollar jizzaxliklarga uch ochko keltirgandi – 2:0. Vodiydagi uchrashuvda mezbonlar zafar quchishgan – 3:1. Ayubxon Gapparov (ikkita) va Ro'zimboy Ahmedov maydon egalari safida to'p kiritishgan bo'lsa “So'g'diyona”dan Botirjon Karimjonov gol urgan.

“Navbahor” maydonida o'tgan so'nggi besh uchrashuv:
29.10.2013 Navbahor - So'g'diyona 3:1
20.08.2011 Navbahor - So'g'diyona 2:1
19.09.2009 Navbahor - So'g'diyona 0:0
18.10.2008 Navbahor - So'g'diyona 1:1
10.06.2006 Navbahor - So'g'diyona 1:0

O'zaro o'yinlar haqida fakt: “So'g'diyona” bungi kunga qadar “Navbahor” maydonida umuman g'alaba qozona olmagan. Vodiyda bo'lib o'tgan 14ta o'yinda “lochinlar” zafar quchishgan bo'lsa, qolgan 4ta bahsda durang qayd etilgan.