PREVYU. "Navbahor" - "Metallurg"

Navbahor (Namangan) – Metallurg (Bekobod)
27 avgust. Namangan. “Barkamol avlod” stadioni. 19:00
Hakamlar: B. Namozov (Toshkent), O. Abduvosilov (Toshkent), N. Ro'zimov (Toshkent), R. Kopadze (Farg'ona)
Nazoratchi: R. Serazetdinov (Toshkent).
PFLUz vakili: G. Rtveladze.

“Navbahor” va “Metallurg” klublari oliy ligada shu kungacha 33 bor kuch sinashishgan. “Navbahor” 16ta o'yinda g'alaba qozongan. 9ta uchrashuvda “Metallurg”ning qo'li baland kelgan. Bu jamoalar o'rtasidagi o'yinlarda 8 marta durang qayd etilgan. To'plar nisbatida katta ustunlik “Navbahor” tomonida: 50:32. “Lochinlar” o'zaro o'yinlarda 56 ochkoga ega bo'lishgan, “Metallurg” esa 35 ochkoni qo'lga kiritgan. “Navbahor”ning “Metallurg” ustidan qozongan eng yirik g'alabasi 7:0ga teng bo'lsa, “Metallurg”ning namanganliklar ustidan erishgan eng yirik g'alabasi – 3:0.

Birinchi davradagi bahsda “Metallurg” muvaffaqiyat qozongan. Aleksandr Kovalev va Alisher Ziyovuddinovning gollari “Navbahor” klubining mag'lubiyatini taminlagan – 2:0.

“Navbahor” maydonida o'tgan so'nggi besh uchrashuv:
04.07.2013 Navbahor - Metallurg 2:1
06.10.2012 Navbahor - Metallurg 1:0
05.03.2011 Navbahor - Metallurg 1:0
16.10.2010 Navbahor - Metallurg 2:0
02.05.2009 Navbahor - Metallurg 3:0

O'zaro o'yinlar haqida fakt: “Navbahor” o'z maydonida ushbu raqibga umuman mag'lub bo'lmagan. 16ta o'yinning 14tasida maydon egalari zafar quchishgan. 2ta o'yin durang bilan tugagan. “Metallurg” so'nggi bor 2007 yil vodiydan mag'lubiyatga uchramay qaytgan.