Prevyu. "Metallurg" - "Qizilqum"

METALLURG – QIZILQUM
Hakamlar: V.Ceytlin, T.Galeev, S.SHoyusupov, A.Jo'raxonov
Nazoratchi: G.Imamov.

Bu ikki klubning yo'llari oliy liga o'yinlarida 28 bor kesishgan. Ustunlik “Qizilqum” tomonida. 14ta o'yinda “Qizilqum”ning qo'li baland kelgan bo'lsa, 8ta uchrashuvda “Metallurg” g'olib chiqqan. Yana 6ta bahsda g'olib aniqlanmagan. To'plar nisbati esa “Qizilqum” foydasiga. Navoiyliklar shu kunga qadar o'zaro o'yinlarda 42ta gol kiritib o'z darvozalaridan 31 marta to'p olib chiqishgan. O'zaro o'inlarda “Qizilqum” 48 ochkoni, “Metallurg” esa 30 ochkoni qo'lga kiritgan.

“Metallurg” oliy ligada “Qizilqum” ustidan 4:1 hisobida g'alaba qozongan. Bu o'zaro o'yinlardagi bekobodliklarning eng yirik g'alabasi hisoblanadi. “Qizilqum”ning o'zaro o'yinlardagi erishgan eng yirik g'alabasi esa 5:0ga teng.

O'tgan yilgi o'yinlarda mezbon jamoa g'alaba qozongan. Bekobodda Dilmurod Karimov, SHuxrat Yo'ldoshev (ikkita) mezbonlar safida, Yannis Mandzukas mehmon jamoa tarkibida gol urgan – 3:1. Navoiydagi bahsda esa Alisher Xoliqovning goli “Qizilqum”ga g'alaba keltirgan – 1:0.  

Bekobodda bo'lib o'tgan so'nggi besh uchrashuv:

07.04.2012  Metallurg - Qizilqum 3:1
07.04.2012  Metallurg - Qizilqum 1:0
23.04.2011  Metallurg - Qizilqum 3:1
31.10.2010  Metallurg - Qizilqum 0:0
14.06.2009  Metallurg - Qizilqum 0:1

O'zaro o'yinlar haqida fakt: Bekobodda bo'lib o'tgan o'yinlarda “Metallurg” 6 marta g'alaba qozongan. 4ta uchrashuv durang qayd etilgan. Qolgan 4ta o'yinda “Qizilqum” safarda zafar quchgan. Bekobodda bo'lib o'tgan so'nggi to'rtta o'yinda “Qizilqum” g'alaba qozona olmayapti.