Prevyu. "Lokomotiv" - "Andijon"

LOKOMOTIV – ANDIJON
28 aprel. Toshkent. "Lokomotiv" stadioni. 17:00
Hakamlar: A.Asimov, R.Ilyosov, M.Saidqosimov, R.Kopadze
Nazoratchi: B.Galeev.

“Lokomotiv” va “Andijon” oliy ligada jami 14 bora to'qnash kelishgan. Natijalar “Lokomotiv”ning ustunligini ko'rsatmoqda. Toshkentliklar 7ta o'yinda g'olib bo'lishgan. 3ta  o'yinda durang qayd etilgan. 4 uchrashuvda esa “burgutlar” zafar quchishgan. To'plar nisbatida ham “Loko” oldinda - 21:17. O'zaro o'yinlarda “temiryo'lchilar” 24 ochkoni, “Andijon” esa 15 ochkoni  qo'lga kiritgan.

“Lokomotiv”ning o'zaro o'yinlarda qozongan eng yirik g'alabasi – 5:1 ga teng. “Andijon”da bu ko'rsatkich 5:0 bo'lib turibdi.

O'tgan mavsumda “burgutlar” elitada qatnashishmagandi. 2012 yil “Loko” maydonidagi bahsda hisobni mehmonlar vakili Vladimir SHishelov ochgandi. Islom To'xtaxo'jaevning uchrashuv oxirida urgan goli jamoalarga durang taqdim etgan – 1:1.

Toshkentda o'tgan so'nggi besh uchrashuv:
11.05.2012  Lokomotiv – Andijon  1:1
18.09.2010  Lokomotiv – Andijon  2:0
09.11.2009  Lokomotiv – Andijon  2:2
29.06.2008  Lokomotiv – Andijon  2:0
25.11.2007  Lokomotiv – Andijon  0:1

O'zaro o'yinlar haqida fakt : “Andijon” co'nggi marta “Lokomotiv” uyidan 2007 yilgi mavsumda uch ochko bilan qaytgan. Umuman olganda o'sha g'alaba “burgutlar”ning safarda qo'lga kiritilgan yagona g'alabalari bo'lib turibdi. Qolgan o'yinlardagi natijalar qo'yidagicha – 2 durang, 4 mag'lubiyat.