Prevyu. "Bunyodkor" - "So'g'diyona"

Bunyodkor (Toshkent) – So'g'diyona (Jizzax)
24 sentyabr 2015. Toshkent. "Bunyodkor" stadioni. 18:00
Hakamlar: A. Asimov (Toshkent), T. Galeev (Toshkent), A. Po'latov (Toshkent), F. Narsafarov (Qarshi)
Nazoratchi: G'. Karimov (Toshkent).
O'zPFL vakili: N. Lutfulin.

“Bunyodkor” va “So'g'diyona” oliy ligada 11 bora to'qnash kelishgan. Natijalar poytaxt jamoasining mutloq ustunligini ko'rsatmoqda.

“Bunyodkor” 11ta o'yindan 10tasini yutgan. “So'g'diyona” bu raqibni faqat bir marta mag'lub etgan. “Bunyodkor” o'yinlarda 33ta gol kiritgan, jizzaxliklar 3 bora “qaldirg'ochlar” darvozasini ishg'ol etishgan. “Bunyodkor” o'zaro o'yinlarda 30 ochkoni o'z hisobiga yozib qo'ygan bo'lsa, “So'g'diyona”da bu ko'rsatkich 3tani tashkil etadi. “Bunyodkor”ning o'zaro o'yinlardagi eng yirik g'alabasi 6:1. “So'g'diyona”ning yagona g'alabasi 2:1ga teng.

Birinchi davrada “So'g'diyona” o'z tarixida ilk bor bu jamoani mag'lub etgandi. O'shanda Jasur Hakimov ikkinchi bo'limda ikki bor “Bunyodkor” darvozasiga to'p kiritgandi. SHaker Zuagining goli faqat hisobni qisqarishini taminlagan edi – 2:1.

Toshkentda o'tgan so'nggi besh uchrashuv:
18.10.2014 Bunyodkor - So'g'diyona 1:0
04.03.2013 Bunyodkor - So'g'diyona 5:0
06.08.2011 Bunyodkor - So'g'diyona 1:0
29.06.2009 Bunyodkor - So'g'diyona 5:0
25.08.2008 Bunyodkor - So'g'diyona 2:0

O'zaro o'yinlar haqida fakt: “Bunyodkor” o'z maydonidagi 5ta o'yinning barchasida “So'g'diyona”ni mag'lub etishga erishgan. Jizzax klubi Toshkentda raqib darvozasiga umuman to'p kirita olmagan. “Qaldirg'ochlar” 5ta o'yinda jami 15ta gol urishgan.