Prevyu. “Atletiko” – “CHelsi”

Yarim final bosqichidagi ilk “jang” Ispaniyadagi “Visente Kalderon” o'yingohida bo'lib o'tadi. Unda Diego Simeonening “Atletiko”si Joze Mourinoning “CHelsi”siga qarshi maydonga tushadi.

Birinchi uchrashuvdan oldingi vaziyatni tahlil qilishga urinib ko'ramiz.

“Atletiko”
“Atletiko” hozir jula yaxshi sport formasida. La Liga doirasida o'tkazilgan so'nggi uchrashuvda “Elche” uchtidan ishonchli g'alabaga erishdi va bu bilan eng yaqin taqibchisidan 6 ochko ilgarilab ketdi (“Real” zaxirasida bitta o'yin bor). “Matraschilar” haqli ravishda Ispaniya chempionligi uchun asosiy davogar hisoblanishyapti. Jamoa so'nggi 7 o'yinni mag'lubiyatsiz yakunlagani, shu o'yinlarning faqat bittasidagina gol o'tkazib yuborganini ham hisobga olsak, aslida “CHelsi”ga tegishli bo'lgan – Tibo Kurtuaning darvozasini ishg'ol qilish, Joze Mourino shogirdlariga oson bo'lmasligi oydinlashadi. 



Musobaqaning chorak final bosqichida madridliklar “Barselona” to'sig'idan o'ta olgandi. “Kamp Nou”dagi birinchi o'yin 1:1 hisobidagi durang bilan, “Visente Kalderon”dagi javob uchrashuvida katta ustunlikka ega bo'lgan “Atletiko” kichik hisobda g'alaba qozonib, yarim finalni naqd qilganddi. Simeone jamoasi musobaqada juda kam gol o'tkazib yuboryapti. Har bir pley off bosqichida bittadan, guruh bosqichida umumiy 3ta. Bu esa yana bir bor bu jamoaning himoyasi mustahkam ekanini isbotlab turibdi.

Tarkibdagi holat:
G'alabalar sabab yaxshi holatdagi ruxiy holatning ko'tarinki ekanidan tashqari, Diego Semionida xursandchilik uchun yana bir sabab bor: jamoaning eng muhim futbolchilaridan biri Arda Turan jarohatini davolatib, safga qaytdi. Balki u asosiy tarkibda maydonga tushishga hali tayyor emasdir, lekin u zahiradan maydonga tushib ham, jamoa o'yinini bemalol kuchaytira oladi. Himoyachi Mankilo jarohatini tiklab ulgurmagani sabab, o'yinda ishtirok etmaydi.
Darvoqe, Tibo Kurtua o'yinda ishtirok eta oladi. Avvalroq u “CHelsi”ga tegishli bo'lgani uchun London klubiga qarshi o'ynamasligi takidlanayotgandi. Usiz bu to'qnashuvda jamoa yaxshigina qiynalgan bo'lardi.



Taxminiy tarkib:
Kurtua – Xuanfran, Godin, Miranda, Luis Felipe – Gabi, Suares, Koke, Garsiya – Vilya, Kosta.


“CHelsi”
Joze Mourino jamoasi Angliya premer-ligasi 35-tur o'yinida sensacion natija qayd etib, “Sanderlend”ga 1:2 hisobida mag'lub bo'ldi. Bu Mourinoning “Stemford Brij”dagi ilk mag'lubiyati bo'lib bilan birga, chempionlikdan deyarli ayirgan o'yin sifatida ham yodda qoladigan bo'ldi.



CHempionlar Ligasi chorak finalida “CHelsi” yildan – yilga sezilarli darajada o'sib borayotgan PSJni engishga muvaffaq bo'lgandi. Birinchi o'yinda PSJ 3:1 hisobida londonliklarni enggan bo'lsa ham, javob o'yinida Mour va uning yigitlari harakter va saviya namoyish etib, drammatik tarzda yarim final masalasini hal qilgandi. Ushbu g'alabada Jozening o'rni ham salmoqli bo'lganini takidlash kerak. U o'yin davomida maydonga tushirgan futbolsilari o'yinni o'zgartirib yubordi. Zahiradan maydonga tushan SHyurple va Demba Ba urgan gollar amalda “CHelsi”ni keyingi bosqichga olib chiqdi.

Tarkibdagi holat:
“Sanderlend”ga qarshi o'yinni jarohat sabab o'tkazib yuborgan Petr CHex safga qaytdi va dastlabki daqiqalardan maydonga tushishga tayyor. “CHelsi” muhlislari uchun yana bir yaxshi xabar shuki, o'yin qaydnomasiga anchadan beri maydonga tushmayotgan Eden Azar ham kiritilgan.

SHu bilan birgalikda “aristokratlar”da yo'qotishlar ham mavjud. Samuel Eto’O tizzasidan jarohat olgan va maydonga tusha olmaydi. SHuningdek diskvalifikaciya sabab Branislav Ivanovich uchrashuvda ishtirok etolmaydi. Muhammad Saloh hamda Nemanya Matich bu mavsumda



“CHelsi” tarkibida CHempionlar Ligasida qatnashish imkoniga ega emas.
Taxminiy tarkib:
CHex – Aspilikueta, Kexill, Terri, Koul – Luis, Ramires – Oskar, Villian, SHyurrle – Torres.


Abror Qodirov.