"Paxtakor" - "Nasaf". Uchrashuv haqida malumotlar

11 aprel kuni jamoamiz 4-tur bahsini Toshkentda "Nasaf" bilan o'tkazadi.

Tayyorgarlik

"Paxtakor" CHempionlar ligasi Erondagi bellashuvdan keyin Toshkentga juma kuni etib keldi. O'sha kundan uchrashuvga tayyorgarlik boshlandi. "Nasaf" esa seshanba kuni o'z maydonida maydonga tushgandan keyin bahsga hozirlik ko'rishga kirishdi.

Qarama-qarshilik

Oliy ligada jamoalar hozirgacha 38 bor uchrashishgan. 22 o'yinda "Paxtakor", 7 bellashuvda "Nasaf" g'alaba qozongan. 9 uchrashuvda g'olib nomi aniqlanmagan. Jamoamiz 55 to'p kiritib, 28 bor darvozasidan to'p olib chiqqan. Toshkentdagi 19 bahsning 16tasida "sherlar" g'olib bo'lgan. "Nasaf" poytaxtda 1 g'alaba va 2 durang qayd etgan.

O'yin rasmiylari

Uchrashuvni buxorolik Ilgiz Tantashev boshqarib boradi. U hozirgacha "Paxtakor"ning oliy ligadagi 11 bellashuvini boshqargan. Ularning 9tasida zafar quchgan jamoamiz 2 bor durang o'ynagan.

"PAXTAKOR" - "NASAF"
Hakamlar: Ilgiz Tantashev (Buxoro), Ruslan Serazetdinov (Toshkent), Andrey Snetkov (Toshkent viloyati), Asker Najafaliev (Toshkent).
Nazoratchi: Rashid Aytekov (Toshkent).
O'zPFL vakili: Farhod Magometov.

CHiptalar
O'yinga chiptalar "Paxtakor" stadioni kassalarida sotiladi. Ularni 5 va 15 ming so'mdan xarid qilishingiz mumkin.

Yoshlar tarkiblari 10 aprel, yakshanba kuni 14:45da Qibrayda bahslarini boshlashadi. Asosiy jamoalar to'qnashuvi 11 aprel, dushanba kuni 18:30da "Paxtakor" stadionida start oladi. Turning markaziy uchrashuvida jamoamizni qo'llab-quvvatlang!