"Paxtakor" hujumchiga yolchimayapti

Ammo unutmaslik kerak, oldingi chiziqda ham ishlar sira yurishmadi. Jamoaga vaziyatlarni yakunlashni biladigan tajribali va sovuqqon markaziy hujumchi yotishmayotgandek ko'rinmoqda. SHubhalanganlar uchun oxirgi 1 yilda "Paxtakor" libosini kiygan forvardlar statistikasini keltiramiz.

Eren Derdiyok — yillik maoshi 1,3 mln evroni tashkil qilgan futbolchi "sherlar" uchun 2020 yilning birinchi qismida 13 o'yin o'tkazib, 4 golga mualliflik qildi. 

U "Paxtakor"dan keyin Turkiya chempionatining 2-divizionidan jamoa topdi va 400 ming evro yillik maosh evaziga shartnoma imzoladi.

SHerzod Temirov — "Mashal"dan olib kelingan o'yinchi 2021 yilgi mavsumda 8 ta gol urdi. Buning uchun hujumchiga 1180 daqiqa kerak bo'ldi.

Boyan Matich — Eren ketgazilganidan keyin uning o'rni serbiyalik forvard bilan to'ldirildi. Matich mavsumning 2-qismida "Paxtakor" libosini 16 o'yinda kiyib, atigi 2 ta gol urdi. 

Oliver SHarkich — Slavche Voyneski faoliyatining asosiy qismini hujum chizig'ining markazida o'tkazgan chernogoriyalik futbolchidan asosan boshqa amplualarda foydalanyapti. Mavsum avvalidan beri 477 daqiqa o'yin amaliyoti berilgan SHarkich faqatgina bir marta raqiblari darvozasini ishg'ol qildi.

Mirjahon Mirahmadov — yil avvalida "Bunyodkor"dan "Paxtakor"ga ko'chib o'tgan futbolchi faqat OCHLdagi diskvalifikaciyasi bilan esda qoldi.

Yani, 2021 yilning avvalidan beri "sherlar" uchun maydonga chiqqan 5 nafar markaziy hujumchi raqib darvozasini faqatgina 15 marta ishg'ol qildi. Malumot uchun, biroz orqaroqda o'ynaydigan Dragan CHeran bu davrda 24, 20 yoshli Husayn Norchaev esa 26 golning mualliflifiga aylangan. 

Muallifning boshqa fikrlarini kuzatish uchun telegram-kanalga azo bo'lishni unutmang.