O'zbekiston mezbonligidagi futzal bo'yicha JCH o'yinlarining boshlanish vaqti belgilandi

Deyarli barcha bahslar mahalliy vaqt bilan 17:30 yoki 20:00 da boshlanadi. Faqat dastlabki ikki kunda bittadan o'yin soat 15:00 da start oladi.

Ikki yarim final va final 20:00 da boshlanishi rejalashtirilgan.

14 sentyabrdan 6 oktyabrga qadar o'tkaziladigan mundialga Toshkentdagi "Humo Arena", Buxoro va Andijon viloyatlaridagi "Universal" sport majmualari mezbonlik qiladi.

Xose Venansio Lopes murabbiyligidagi O'zbekiston terma jamoasi guruh bosqichidagi barcha uchrashuvlarni potaxtdagi "Humo Arena" sport majmuasida o'tkazadi. 

Jumladan, hamyurtlarimiz 14 sentyabr kuni Niderlaniya, 17 sentyabr kuni Paragvay va 20 sentyabr kuni Kosta-Rikaga qarshi maydonga tushadi.

"Oq bo'rilar" guruhda birinchi yoki ikkinchi o'rin bilan keyingi bosqichga chiqqan taqdirda ham 1/8 final o'yinini Toshkentda o'tkazadi. Faqatgina guruhda 3-o'rinni egallagan jamoa pley-offga yo'l olgan taqdirda, Buxoroga safar uyushtiradi.

14 sentyabr

O'zbekiston – Niderlandiya

"Humo Arena". 20:00

17 sentyabr

O'zbekiston – Paragvay

"Humo Arena". 20:00

20 sentyabr

Kosta Rika – O'zbekiston 

"Humo Arena". 20:00

Ushbu havola orqali to'liq taqvim bilan tanishish imkoniga egasiz.