O'zbekiston kubogining 1/8 final bosqichiga 7 iyun kuni qura tashlanadi
25 may 2021 16:25
Yangiliklar

O'zbekiston kubogining 1/8 final bosqichiga 7 iyun kuni qura tashlanadi

O'zbekiston Coca-Cola kubogi guruh bosqichi yakunlariga ko'ra 14 ta jamoa 1/8 final bosqichi uchun chiptani qo'lga kiritgandi.

Ular qatoriga mazkur bosqichdan etiboran AGMK va “Paxtakor” klublari ham qo'shiladi.

1/8 finalga qura 7 iyun kuni tashlanadi. SHu kuni O'zbekiston milliy terma jamoasi JCH-2022 saralashi doirasida Singapurga qarshi maydonga chiqadi. SHundan kelib chiqib, qura kechki efirda Sport-TV tomonidan jonli efirda namoyish etiladi.

Avvaldan aytilganidek, qura marosimida guruh g'oliblari alohida savatda bo'ladi va ular 1/8 finalda bir-biri bilan, shuningdek, AGMK va “Paxtakor” klublari bilan to'qnash kelmaydi. Bir o'yindan iborat uchrashuvlarga kim mezbonlik qilishi qura yordamida aniqlab olinadi.

O'zbekiston Coca-Cola kubogining final uchrashuviga Samarqand shahri mezbonlik qilishi sizga malum. Uchrashuvlar o'tadigan sanalar O'zbekiston milliy termasining keyingi rejalaridan kelib chiqqan holda shakllantirilgan taqvim asosida keyinroq malum qilinadi.

Havola :

Manba : ПФЛ матбуот хизмати

Yangiliklarni Telegramda o'qing!

Reyting: +3