O'zbekiston kubogi. "Iftixor" 1/16 finalga chiqdi
02 apr 2018 18:29
Yangiliklar

O'zbekiston kubogi. "Iftixor" 1/16 finalga chiqdi

Bugun mamlakatimizning ikki shahrida O'zbekiston Kubogi bahslariga start berildi.

Toshkent viloyatida joylashgan “Do'stlik” stadionida 1\32 finaldan o'rin olgan “Nurafshon” – “Iftixor” uchrashuvi bo'lib o'tdi. Bu O'zbekiston yoshlar ittifoqi vasiyligidagi “Iftixor” professional futbol klubining debyut uchrashuvi edi.

O'yin kutilganidek shiddatli kurashlar ostida boshlandi. 13 daqiqada mezbonlar hisobni ochishga muvaffaq bo'lishdi. “Nurafshon” azosi Farrux SHotursunov yuzaga kelgan imkoniyatdan samarali foydalandi.

Birinchi bo'limning qolgan daqiqalarida har ikki jamoa harchand urinmasin, darvozalarga boshqa gol kiritlmadi.

Ikkinchi taymni mehmonlar faollik bilan boshlashdi. 54-daqiqada "Iftixor" futbolchilari ijrosidagi kombinaciya gol bilan yakunlandi. Mansur Saidov o'zining ajoyib uzatmasi bilan Oyatullo Muhiddinovni birga-bir vaziyatga chiqardi. Hujumchimiz esa o'z imkoniyatidan unumli foydalandi. Hisob tenglashgach, tashabbus to'liq "Iftixor" tomoniga o'tdi.
69-daqiqada himoyachining xatosidan unumli foydalangan zaxiradan maydonga tushgan tajribali Akmal Xolmatov mehmonlarni oldinga olib chiqdi.

82 daqiqada tajribali Akmal Xolmatov jarima to'pini qoyilmaqom tarzda ijro etib, g'alabani mustahkamladi. Xolmatov o'zining super goli bilan hamon jarima to'plarini maromiga etkazib tepa olishini isbotladi.

SHu tariqa "Iftixor" O'zbekiston kubogidagi yurishini ajoyib g'alaba bilan boshladi. Kubok doirasidagi keyingi o'yin 16 aprel kuni “Yozyovon” jamoasiga qarshi bo'lib o'tadi.

O'zbekiston Kubogi
1/32 final
“Nurafshon” - “Iftixor” – 1:3 (1:0)
Hakamlar: O. Tolibjonov, S. Eremeev, N. Afinogenov, D. Jalimov.
Nazoratchi: A. Abdullaev.
Gollar: Farrux SHotursunov 13. – Oyatullo Muhiddinov – 54, Akmal Xolmatov – 69, 82.
“Nurafshon”: 1. Ravshan Yagudin, 3. Abbos Iboilov, 4. Dilmurod Qodirov, 7. Doston Abdurahmonov, 8. Doston Bahromov, 10. Murod Rajabov, 15. Rasul Komilov, 19. Ruslan Vagapov, 27. Murod To'ychiboev, 70. Farrux SHotursunov, 77. Elbek Ravshanov.
Zaxira: 35. Abdukarim Muhamedov, 2. Nurjas Kabarov, 13. Ruslan Beklich, 14. Dilshod Fayziev, 17. Muhammadodil Qahramonov, 21. Sardor Rasulov, 33. Orifxo'ja Abduxoliqov.
“Iftixor”: 1. Ilhom Jumanov, 3. Hasanboy Ergashev, 7. Mansur Saidov, 9. Oyatullo Muhiddinov, 11. Umid Qodirov, 13. Umid Matmusaev, 14. Muhiddin Yusupov (21. Nodir Yuldashev-88), 20. Asror Tilovoldiev, 22. Orif Mamajonov (Akmal Xolmatov-58), 77. Said Abdujabborov (17. Farrux Axunov-85), 90. SHerzod Hakimov (10. Dilmuhammad Xudoyberdiev-46).
Zaxira: 16. Xurshid Muhamadov, 6. Asad Mamurov, 18. Asad Komilov.