O'zbekiston ayollar termasi FIFA reytingida nechinchi o'rindaligini bilasizmi?
15 dek 2017 14:53
Yangiliklar

O'zbekiston ayollar termasi FIFA reytingida nechinchi o'rindaligini bilasizmi?

Xalqaro futbol federaciyasi (FIFA) ayollar terma jamoalarining yangi reytingini elon qildi. Unga ko'ra, O'zbekiston ayollar terma jamoasi 1557 ochko bilan 41-o'rinni band etdi.

OFKga azo terma jamoalari orasida Avstraliya ayollar terma jamoasi 2030 ochko bilan etakchilik qilmoqda. Jahon reytingida bu jamoa hamon 4-pog'onada bormoqda.

Yaponiya ayollar terma jamoasi 1967 ochko bilan Osiyoda ikkinchi (dunyoda oltinchi) bo'lsa, KXDR ayollar termasi 1948 ochko bilan uchinchi (dunyoda o'n birinchi) o'rinni egallab turibdi.

O'zbekiston ayollar termasi yuqoridagi terma jamoalardan tashqari Janubiy Koreya (1868), Xitoy (1861), Tailand (1668), va Vetnam (1652) keyin Osiyoda 8-pog'onani egallab turibdi.

Jahon reytingida AQSH ayollar termasi (2114) hamon peshqadamlik qilmoqda. Germaniya (2052) ikkinchi, Angliya (2033) uchinchi o'rinda bormoqda.