Otabek Zokirov "Neftchi" o'rinbosarlari to'purari

Mazkur musobaqada jamoamiz 49 ochko jamg'ardi va raqib darvozasiga 50 ta to'p kiritdi. O'rinbosarlarimiz yoshlar ligasida eng kam to'p o'tkazib yuborgan jamoa bo'ldi. Raqiblar “Neftchi” o'rinbosarlari darvozasiga 29 ta to'p kiritishdi. Yoshlar ligasi chempioni “Bunyodkor”ning bu boradagi ko'rsatkichi 32 ga teng.

Endi kiritilgan gollar xususida gaplashsak, deyarli ikkinchi davradan boshlab, o'rinbosarlar safida o'ynay boshlagan Otabek Zokirov bu davr oralig'ida raqiblar darvozasini 14 marta aniq nishonga oldi va yil kashfiyotlaridan biriga aylandi. SHuningdek, Umidjon Qodirov ham o'zining sermahsulligi bilan yodda qoldi. Ushbu yosh hujumchi 9 marta o'z nomini tabloga yozdirib qo'ydi.  Bundan tashqari, Izzatbek G'aniev ham mavsumda ettita gol kiritishga muvaffaq bo'ldi.  Eng asosiysi bu futbolchilarning gollari kichik bronza medalini qo'lga kiritilishida muhim ahamiyat kasb etdi.

Aytgancha, bu erda murabbiylar va klub rahbariyatining mehnatini ham unutmaslik lozim.  

Quyidagi jadvalda o'rinbosarlarimiz safida kim nechta gol urgani ko'rsatilgan.

Kim nechta gol kiritgan:
Otabek Zokirov - 14
Umidjon Qodirov - 9
Izzatbek G'aniev - 7
Javohirbek Rasulov  - 4
SHerzod Hakimov - 4
Azamat Tursunov - 2
Otabek Haydarov - 2
Doston Tursunzoda - 2
Jahongir Dadaboev - 2
SHohruh Xolmatov - 1
Iqbol Boboxonov - 1
Faxritdin Xolmurodov - 1
Javlon Guseynov - 1