Otabek G'ulomxo'jaev: "Barcha rejalarimizni AGMKning standart vaziyatlari o'zgartirib yubordi"

Har bir jamoa g'alaba uchun maydonga tushadi. Barcha rejalarimizni AGMKning standart vaziyatlari o'zgartirib yubordi. Deyarli 10 daqiqa ichida uchta gol o'tkazib yubordik, shundan so'ng futbolchilarimizda ishtiyoq sezilmay qoldi. Ikkinchi bo'limda maydonga hisobni tenglashtirish uchun maydonga tushgan edik, ammo o'xshamadi. Zaxiramiz uzun emasligi tufayli va maydonga tushib o'yinimizni kuchaytira oladigan futbolchining yo'qligi ham bugun tasir qildi.

- "Andijon" so'ngi turlarda "Qo'qon-1912" va "Paxtakor" bilan o'ynaydi. "Andijon"ning Superligada qolish imkoniyatini qanday baholaysiz?
- Bizning vazifamiz jamoani maksimal darajada Superligada olib qolish. O'tgan safar ham aytib o'tdim, jamoani olib qolishga maksimal darajada harakat qilamiz. Yigitlarni nimalarga qodir ekanligini yaxshi bilaman. "Qo'qon-1912" ham kuchli uchlikka harakat qilmoqda. So'nggi o'yinlardagi raqiblarimiz haqiqatdan ham ancha kuchli. Jamoani olib qolish uchun murabbiylar shtabi va futbolchilar borimizni berib harakat qilamiz. Mag'lubiyatda doim murabbiy aybdor bo'ladi. Ha, jamoani maksimal tayyorladik, ammo standart vaziyatlarda yigitlar etiborni yo'qotishdi. Imkoniyat oxirigacha bo'ladi. "Buxoro" va "Surxon" natijalaridan qatiy nazar biz o'zimizning o'yinlarimizda yutishga harakat qilamiz. Hayot to'xtamaydi, hayot davom etadi.