Oston O'runov "Navbahor"ni tark etdi

PFL tomonidan Superliganing 2018 yildagi eng yaxshi yosh o'yinchisi deb topilgan Oston O'runov "Navbahor" jamoasini tark etdi. Hozircha uning qaysi klubga o'tayotgani aniq emas.

Oston O'runov o'zining instagramdagi sahifasida surat joyladi va uning tagiga quyidagi so'zlarni yozib qoldirdi:

- SHu jamoaga birinchi kelganimda meni hech kim tanimasdi. Hozirgi kunga etib kelishimda mana shu akalarimning juda katta o'rni bor. Ularning hammalariga rahmat, bir yarim yil sizlar bilan birga o'ynaganimdan xursandman. Bunday ahil jamoani boshqa ko'rmasam kerak, yana birga bo'lish nasib qilsin! Albatta, qo'llab-quvvatlaganliklari uchun muxlislarga ham rahmat. natijalarda ularning ham o'rni katta.